Şikar Aslanov

Şikar Aslanov
Şikar Aslanov
	Şikar Davud oğlu Aslanov
Şəxsi məlumatlar
Doğum tarixi	10 iyul 1970
Doğum yeri	Süleymanlı, Cəbrayıl rayonu, Azərbaycan;
Vəfat tarixi	2 iyul 1992 (21 yaşında)
Vəfat yeri	Xocavənd rayonu, Azərbaycan;
Vəfat səbəbi	həlak olub
Dəfn yeri	Süleymanlı;
Vətəndaşlığı	SSRİ→; Azərbaycan
Hərbi fəaliyyəti
Qoşun növü	Azərbaycan Respublikasının Daxili Qoşunları
Rütbəsi	əsgər;
Döyüşlər	Birinci Qarabağ müharibəsi;
Təltifləri

Aslanov Şikar Davud oğlu (10 iyul 1970, Süleymanlı, Cəbrayıl rayonu – 2 iyul 1992, Xocavənd rayonu) — Azərbaycanın Milli Qəhrəmanı, Birinci Qarabağ müharibəsi şəhidi.

Həyatı

Şikar Aslanov 10 iyun 1970-ci ildə Cəbrayıl rayonunun Süleymanlı kəndində anadan olmuşdur. 1987-ci ildə orta təhsilini bitirdikdən sonra, 1988–1990-cı illərdə Sovet Ordusu sıralarında hərbi xidmət keçmişdir. Xidmətini tamamladıqdan sonra Azərbaycana qayıdaraq Daxili İşlər Nazirliyinin Post-Patrul Xidmətinə qəbul olunmuşdur.

Döyüş yolu

Ermənistanın hərbi təcavüzü (Birinci Qarabağ müharibəsi) başladıqdan sonra Şikar Aslanov könüllü olaraq cəbhəyə yollanmışdır. O, 1992-ci ildə Xocavənd rayonu istiqamətində gedən döyüşlərdə iştirak edərək düşmənin bir neçə strateji atəş nöqtəsinin məhv edilməsində fərqlənmişdir.

2 iyul 1992-ci ildə döyüş tapşırığını yerinə yetirərkən düşmən snayperinin açdığı atəş nəticəsində ağır yaralanmışdır. Hospitala çatdırılsa da, həkimlərin səyinə baxmayaraq həyatını itirmişdir.

Subay idi. Doğulduğu Süleymanlı kəndində dəfn edilmişdir.

Təltifləri

Azərbaycan Respublikası Prezidentinin 8 oktyabr 1992-ci il tarixli 264 saylı fərmanı ilə Aslanov Şikar Davud oğluna ölümündən sonra "Azərbaycanın Milli Qəhrəmanı" adı verilmişdir.

Xatirəsi

Oxuduğu Süleymanlı kənd orta məktəbi hazırda onun adını daşıyır.
2019 cu ildə qobu park yaşayış kompleksində onun adına fitness kompleksi sakinlərin istifadəsinə verildi.

Həmçinin bax

Vüqar Əsgərovun "Azərbaycanın Milli Qəhrəmanları" kitabı (Yenidən işlənmiş II nəşr, Bakı: "Dərələyəz-M", 2010, səh. 39).