Aşağı Kürdmahmudlu

Aşağı Kürdmahmudlu
39°35′23″ şm. e. 47°28′23″ ş. u.HGYO
Ölkə	Azərbaycan
Region	Qarabağ iqtisadi rayonu
Rayon	Füzuli rayonu
Bələdiyyə	Əhmədbəyli bələdiyyəsi
Əhalisi
Əhalisi	1.191 nəf. (2009)
Rəqəmsal identifikatorlar
Poçt indeksi	AZ1932
Nəqliyyat kodu	19
Xəritəni göstər/gizlə Aşağı Kürdmahmudlu
Vikianbarda əlaqəli mediafayllar

Aşağı Kürdmahmudlu — Azərbaycan Respublikasının Füzuli rayonunun Kürdmahmudlu kənd inzibati ərazi dairəsində kənd.

Bu Kənd "Bələdiyyə əraziləri və torpaqları haqqında" Qanunla Füzuli rayonunun Əhmədbəyli bələdiyyəsinin ərazisinə aid edilib.

Oykonimin birinci komponenti yaşayış məntəqəsinin coğrafi mövqeyi, ikinci komponenti isə maldar kürdmahmudlu tayfasının adı ilə bağlıdır.

Kəndin əsası XVIII əsrdə qoyulmuşdur. Kəngərli elinin qoludur.

1999-cu il bələdiyyələrin təsis edilməsi zamanı ayrıca Aşağı Kürdmahmudlu bələdiyyəsi təşkil edilib.

2013-cü il yanvarın 31-də Füzuli rayonunun Aşağı Kürdmahmudlu kəndinə ilk dəfə olaraq təbii qaz verilib.

18.11.2024-cü il tarixli 50-VIIQ nömrəli Qanunun 18.3-ci bəndinə əsasən: "Aşağı Kürdmahmudlu, Əhmədbəyli və Yuxarı Kürdmahmudlu bələdiyyələrinin əhatə etdiyi Aşağı Kürdmahmudlu, Əhmədbəyli, İkinci Mahmudlu, Qarabağ, Murtuzalılar və Yuxarı Kürdmahmudlu kəndlərində Əhmədbəyli bələdiyyəsi" yenidən təşkil edilmişdir.

2009-cu ilin siyahıyaalınmasına əsasən kənddə 1191 nəfər əhali yaşayır.

Aşağı Kürdmahmudlu kəndi Füzuli rayonundan təxminən 25 km cənub-şərqdə, Köndələnçay ətrafında yerləşir.

Düzənlikdədir.

Əhalinin əsas məşğuliyyətini kənd təsərrüfatı-əkinçilik, maldarlıq və heyvandarlıq təşkil edir.

Qaztəchizat sektorunda 235 abonenti olan Aşağı Kürdmahmudlu kəndinin qazlaşdırılması məqsədilə birpilləli sistem əsasında ümumi uzunluğu 11094 metr olan müxtəlif diametrli polietilen borularla daşıyıcı və məhəllədaxili qaz xətləri çəkilmiş, 235 sayğac və fərdi tənzimləyici quraşdırılıb.

2020-ci ildə Azərbaycan Respublikası Prezidentinin sərəncamı ilə Füzuli rayonunun yaşayış məntəqələrində subartezian quyularının qazılması nəzərdə tutulmuşdur. Sərəncama əlavə edilmiş siyahıda Aşağı Kürdmahmudlu kəndi üçün 1 subartezian quyusunun qazılması və həmin quyudan 1380 nəfərin faydalanmasının nəzərdə tutulduğu göstərilmişdir.

• Füzuli rayonunun Aşağı Kürdmahmudlu bələdiyyəsi
• Füzuli rayonunun Əhmədbəyli bələdiyyəsi
• Yuxarı Kürdmahmudlu