Azərbaycan–Küveyt münasibətləri

Azərbaycan–Küveyt münasibətləri
Azərbaycan–Küveyt münasibətləri
Azərbaycan	Küveyt
Azərbaycanın Küveytdəki səfirliyi
Səfir	Emil Kərimov[rus.]
Ünvan	Küveyt (şəhər), Al-Yarmouk, blok 2, 1-ci küç, 15
Küveytin Azərbaycandakı səfirliyi
Səfir	Saud Abdulaziz Mohammad Al-Shamlan Al-Roomi
Ünvan	Bakı, S. Dadaşov küç., 523
Digər
Quruluş tarixi	10 oktyabr 1994
Dövriyyə	753,68 min doll. (2022)
	Vikianbarda əlaqəli mediafayllar

Azərbaycan–Küveyt münasibətləri — Azərbaycan Respublikası ilə Küveyt Dövləti arasındakı mövcud ikitərəfli əlaqələr.

Tarixi

Azərbaycan ilə Küveyti dini və tarixi amillər birləşdirir.

Diplomatik əlaqələr

İki ölkə arasında diplomatik əlaqələr 1994-cü ilin oktyabrın 7-də qurulmuşdur.

Azərbaycan ilə Birləşmiş Ərəb Əmirlikləri arasında əlaqələr əsasən beynəlxalq təşkilatlar, xüsusilə də Birləşmiş Millətlər Təşkilatı və İslam Əməkdaşlıq Təşkilatı çərçivəsində mövcud olmuşdur. Küveyt bu təşkilatlarda Ermənistanın Azərbaycana qarşı təcavüzü və Azərbaycana iqtisadi və humanitar yardımın göstərilməsi ilə bağlı qərarların qəbul edilməsində Azərbaycan Respublikasını həmişə dəstəkləyir.

Fövqəladə və səlahiyyətli səfirlər

İki ölkə arasında səfirlik səviyyəsində rəsmi münasibətlər yaradılmışdır.

Azərbaycan Respublikasının 1 oktyabr 2002-ci il tarixli Qanunu ilə Azərbaycan Respublikasının Küveyt Dövlətində (Küveyt şəhərində) Səfirliyi təsis edilmişdir

Azərbaycan Respublikası Prezidentinin 1 sentyabr 2004-cü il tarixli Sərəncamı ilə Şahin Şakir oğlu Abdullayev Azərbaycan Respublikasının Küveyt Dövlətində Fövqəladə və Səlahiyyətli Səfiri təyin edilmişdir. O, 24 iyun 2010-cu il tarixli Sərəncam ilə həmin vəzifədən geri çağırılmışdır.

Parlamentlərarası əlaqələr

Azərbaycan Respublikasının Milli Məclisində Azərbaycan-Küveyt parlamentlərarası əlaqələr üzrə işçi qrupu fəaliyyət göstərir. Bu işçi qrupu 7 mart 1997-ci il tarixində yaradılmış və ilk rəhbəri Şaitdin Əliyev olmuşdur. 4 mart 2016-cı il tarixindən Hüseynbala Mirələmov işçi qrupunun rəhbəridir.

İqtisadi əlaqələr

Küveyt Azərbaycan Respublikası ilə iqtisadi əlaqələrin yaradılmasına və inkişafına maraq göstərir. Bu məqsədlə hələ 1992-ci ilin mart ayının 1-də Bakıya gəlmiş Küveytin maliyyə naziri Azərbaycana böyük məbləğdə kredit verməyə hazır olduğunu bildirmişdir. O, həm də qeyd etmişdir ki, Küveyt kapital qoyuluşundan əlavə Azərbaycana dünya standartları səviyyəsində mütərəqqi texnologiyalar da təklif edə bilər. Bundan sonra əməkdaşlığın başlanması üçün müvafiq infrastruktur, o cümlədən, avtomobil və hava nəqliyyatı, telefon rabitəsi yaratmaq məqsədilə tərəflər razılığa gəlmişlər. Həmin vaxt Küveyt tərəfinə təklif edilmişdir ki, Bakıda yeni beynəlxalq aeroportun tikintisini müəyyənləşdirmək imkanını nəzərdən keçirsin. Həmçinin ikitərəfli iqtisadi əməkdaşlığın digər məsələləri də müzakirə edilmişdir.

Əmtəə dövriyyəsi (min doll.)

İl	İxrac	İdxal	Ümumi dövriyyəsi
2020	255,82	76,81	332,63
2021	288,35	81,82	370,17
2022	579,21	174,47	753,68

Rəsmi sənədlər

Azərbaycan Respublikası hökuməti ilə Küveyt hökuməti arasında 18 sənəd imzalanmışdır.

Küveyt Dövləti ilə Azərbaycan Respublikası arasında dostluq və əməkdaşlıq əlaqələrinin inkişaf etdirilməsindəki xüsusi xidmətlərinə görə Küveyt Dövlətinin Əmiri şeyx Sabah əl-Əhməd əl-Cabir əs-Sabah 9 fevral 2009-cu il tarixində "Heydər Əliyev" ordeni ilə təltif edilmişdir.

İdman sahəsində əməkdaşlıq

Futbol qarşılaşmaları

Həmçinin bax

Azərbaycanın Küveyt səfirliyi