Azərbaycan DRES

Azərbaycan İES
Azərbaycan istilik elektrik stansiyası
Ümumi məlumatlar
Sahibi	Azərenerji ASC
Status	İşlək
Tikilmə tarixi	1974
İstismara verilib	1981
İstismarçı	Azərenerji ASC
Əsas xüsusiyyətləri
Elektrik enerjisi gücü	2400 MVt
Avadanlıq xüsusiyyətləri
Əsas yanacaq	Təbii qaz, mazut
Enerji bloku sayı	8
Turbin tipi	Buxar
Yerləşməsi
40°46′12″ şm. e. 47°02′56″ ş. u.HGYO
Ölkə	Azərbaycan
Yer	Mingəçevir
Azərbaycan İES
Azərbaycan İES Azərbaycan İES
Vikianbarda əlaqəli mediafayllar

Azərbaycan İES (tam adı: Azərbaycan İstilik Elektrik Stansiyası) — Azərbaycan İstilik Elektrik Stansiyası Mingəçevirdə, hər biri 300 MVt gücündə olan 8 blokdan ibarət olan istilik elektrik stansiyasıdır . Bloklar 1981 və 1990-cı illərdə mərhələli şəkildə açıldı və qurğular Taqanroq mexaniki-qazan, LMZ Russia (turbin) və Elektrosila (generator) müəssisələrində hazırlanmışdır. Həmçnin stansiya yaxınlığındakı Qarabağ kanalı soyutma mənbəyi kimi istifadə edilir.

Stansiyanın iki tüstü borusu 320 metr hündürlükdədir. Yanacaqla işləyən elektrik stansiyadır.

Elektrik stansiyasının inşasına 1974-cü ildə başlanmışdır. Ümumi gücü 2400 meqavat olan “Azərbaycan İstilik Elektrik Stansiyası”-nın birinci enerji bloku 1981-ci il oktyabrın 20-də, səkkizinci enerji bloku isə 1990-cı ildə istismara verilmişdir.

Azərbaycan İES Cənubi Qafqaz regionunun ən böyük istilik elektrik stansiyasıdır. Azərbaycan Respublikasının Prezidentinin 2004-cü il 13 oktyabr tarixli 446 saylı Sərəncamına əsasən oktyabrın 20-i hər il “Energetiklər Günü” kimi qeyd edilir.

• 2018-ci ilin iyulun 2-dən 3-nə keçən gecə "Azərbaycan İstilik Elektrik Stansiyası"-nda baş vermiş qəza nəticəsində ölkənin yarıdan çoxu qaranlığa qərq olur. Qəza açıq paylayıcı qurğular stansiyasının transformatorunda və 6-cı enerji blokunda yanğınla nəticələnən partlayış hadisəsi ilə müşahidə olunmuşdu.
• 2020-ci il sentyabrın 4-də stansiyanın bir işçisi 1-ci nasosxanada boyama işləri görən zaman elektrik cərəyanının təsirinə məruz qalaraq ölüb.