Azərbaycan–Belarus münasibətləri

Azərbaycan-Belarus münasibətləri
Azərbaycan-Belarus münasibətləri
Azərbaycan	Belarus
Azərbaycanın Belarusdakı səfirliyi
Səfir	Məhərrəm Əliyev
Ünvan	Minsk, Starovilenski trakt, 5
Belarusun Azərbaycandakı səfirliyi
Səfir	Dmitri Pineviç[rus.]
Ünvan	Bakı, N. Rafiyeva küç., 8
Digər
Quruluş tarixi	11 iyun 1993
Dövriyyə	0,506 mlrd doll. (2024)
	Vikianbarda əlaqəli mediafayllar

Azərbaycan–Belarus münasibətləri — Azərbaycan Respublikası ilə Belarus arasındakı mövcud ikitərəfli əlaqələr.

Tarixi

Hər iki ölkə SSRİ-nin tərkibində müttəfiq respublika olmuşlar. Elə həmin dövrdə də onlar arasında iqtisadi və mədəni əlaqələr formalaşmışdır. SSRİ dağıldıqdan, postsovet məkanında müstəqil dövlətlər yarandıqdan sonra bu münasibətlər daha da inkişaf etməyə başlamışdır.

Büro, Hetq və OCCRP-nin birgə jurnalist araşdırmasına görə, ikinci Qarabağ müharibəsi zamanı Azərbaycan Belarusun özəl silah istehsalçısı Tetraedr-dən aldığı Peçora-2TM hava hücumundan müdafiə sistemi ilə Ermənistana məxsus pilotsuz təyyarələri vurub.

Diplomatik əlaqələr

İki ölkə arasında diplomatik əlaqələr 1993-cü ilin iyun ayının 11-də qurulmuşdur.

Belarus Ermənistan-Azərbaycan, Dağlıq Qarabağ münaqişəsinin ATƏT-in prinsipləri əsasında sülh yolu ilə danışıqlar vasitəsi ilə həlli üçün yaradılmış ATƏT-in Minsk qrupunun tərkibinə daxildir.

Məhərrəm Əliyev 2023-cü ildən Azərbaycanın Belarusdakı səfiridir.

Parlamentlərarası əlaqələr

Azərbaycan Respublikasının Milli Məclisində Azərbaycan-Belarus parlamentlərarası əlaqələr üzrə işçi qrupu fəaliyyət göstərir. Bu işçi qrupu 5 dekabr 2000-ci il tarixində yaradılmış və ilk rəhbəri Bəhruz Qəndilov olmuşdur. 4 mart 2016-cı il tarixindən Ziyad Səmədzadə işçi qrupunun rəhbəridir.

İqtisadi əməkdaşlıq

Əmtəə dövriyyəsi (min doll.)

İl	İxrac	Idxal	Ümumi dövriyyəsi
2020	164 915,53	148 248,21	313 163,74
2021	295 502,27	128 987,01	424 489,28
2022	96 864,17	266 733,56	363 597,73
2023	31 816,59	324 772,80	356 589,39
2024	48 486,74	457 685,18	506 171,92