Bəhruz Mənsurov

Bəhruz Mənsurov
Bəhruz Mənsurov
	Bəhruz Qəhrəman oğlu Mənsurov
Şəxsi məlumatlar
Doğum tarixi	13 mart 1975
Doğum yeri	Telavar, Yardımlı rayonu, Azərbaycan SSR, SSRİ;
Vəfat tarixi	16 mart 1995 (20 yaşında)
Vəfat yeri	Bakı, Azərbaycan;
Dəfn yeri	Telavar;
Hərbi fəaliyyəti
Mənsubiyyəti	Azərbaycan Ordusu
Rütbəsi	Kursant
Döyüşlər	Mart hadisələri
Təltifləri

Mənsurov Bəhruz Qəhrəman oğlu (13 mart 1975, Telavar, Yardımlı rayonu – 16 mart 1995, Bakı) — Azərbaycanın Milli Qəhrəmanı, Mart hadisələri şəhidi.

Həyatı

Bəhruz Mənsurov 1975-ci il 13 mart tarixində Yardımlı rayonunun Telavar kəndində doğulmuşdur. 1993-cü ildə Bakı Ali Birləşmiş Komandirlər Məktəbinin sərhəd qoşunları fakültəsinə daxil olmuşdur. 1995-ci il Mart hadisələri baş verərkən ordu sıralarında xidmət edirdi. 13-17 mart hadisələri zamanı həlak olub.

Ailəsi

Subay idi.

Milli Qəhrəman

Azərbaycan Respublikası Prezidentinin 04 aprel 1995-ci il tarixli 307 saylı Fərmanı ilə Mənsurov Bəhruz Qəhrəman oğlu ölümündən sonra "Azərbaycan Milli Qəhrəmanı" adına layiq görülmüşdür.

Yardımlı rayonunun Telavar kəndində dəfn edilib.

Dövlət Sərhəd Xidmətinin Göytəpə Sərhəd Dəstəsinin 16-cı zastavası Bəhruz Mənsurovun adını daşıyır.

Oxuduğu orta məktəb onun adını daşıyır.

Sumqayıtın 16-cı mikrorayonunda yerləşən bulaq–abidə kompleksi onun adını daşıyır.

Ədəbiyyat

Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 182.