Birinci Aşıqlı

Birinci Aşıqlı
39°49′09″ şm. e. 47°40′46″ ş. u.HGYO
Ölkə	Azərbaycan
Tarixi və coğrafiyası
Mərkəzin hündürlüyü	26 m
Xəritəni göstər/gizlə Birinci Aşıqlı

Birinci Aşıqlı — Azərbaycan Respublikasının Beyləqan rayonunun Birinci Aşıqlı kənd inzibati ərazi dairəsində kənd. Azərbaycan Respublikası Ali Sovetinin 25 may 1991-ci il tarixli, 123-XII saylı Qərarı ilə Beyləqan rayonunun Birinci Aşıqlı kəndi Əlinəzərli Sovetindən ayrılaraq, bu kənd mərkəz olmaqla Birinci Aşıqlı kənd Soveti yaradılmışdır.

Mülahizələrə görə, kəndin adı keçmişdə Mil-Qarabağ düzlərində yaşamış xələc tayfasının Aşıqlı tirəsinin adı ilə bağlıdır. Birinci komponenti isə yaşayış məntəqəsinin adını digər kənd adlarından fərqləndirmək üçün əlavə edilmışdir.

Birinci Aşıqlı kəndi qədim tarixə malikdir, belə ki, yaşayış məskəni kimi adı "Dədə Qorqud" dastanında göstərilir.

Kənd Yuxarı Qarabağ kanalından 4 km. aralı, Mil düzündədir.

Kənd əhalisi azərbaycanlıların Tərəkəmə qolundan (türkmənlər) ibarətdir.