Cəlal Məmmədov

Cəlal Məmmədov
Cəlal Məmmədov
Azərbaycan SSR Dövlət Nəşriyyat, Poliqrafiya və Kitab Ticarəti İşləri Komitəsi sədrinin birinci müavini
	30 aprel 1975 – 4 fevral 1983
Sədr	Marat Allahverdiyev; Nazim İbrahimov
"Azərbaycan" jurnalının baş redaktoru
	1966 – 1975
Əvvəlki	Qılman Musayev
Sonrakı	İsmayıl Şıxlı
Şəxsi məlumatlar
Doğum tarixi	9 dekabr 1918
Doğum yeri	İrəvan, İrəvan qəzası, İrəvan quberniyası, Ermənistan Demokratik Respublikası;
Vəfat tarixi	4 fevral 1983 (64 yaşında)
Vəfat yeri	Bakı, Azərbaycan SSR, SSRİ;
Dəfn yeri	İkinci Fəxri xiyaban
Fəaliyyəti	yazıçı, tərcüməçi, bürokrat
Atası	Mirzə Cabbar Məmmədzadə
Təltifləri

Cəlal Cabbar oğlu Məmmədov (9 dekabr 1918, İrəvan, İrəvan qəzası, İrəvan quberniyası – 4 fevral 1983, Bakı) — Azərbaycan ictimai və dövlət xadimi, yazıçı, tərcüməçi, "Azərbaycan" jurnalının baş redaktoru (1966–1975), Azərbaycan SSR əməkdar incəsənət xadimi, SSRİ və Azərbaycan SSR Yazıçılar İttifaqının katibi.

Həyatı

Cəlal Mirzə Cabbar oğlu Məmmədov 1918-ci il dekabrın 9-da görkəmli alim Mirzə Cabbar Məmmədzadənin (1882–1937) ailəsində doğulmuşdur. Mirzə Cabbar Məmmədzadə, öz növbəsində, fars dili mütəxəssisi kimi İrəvanda "Fars Abbas" adı ilə məşhur olan molla Abbas Məhəmmədzadənin (1846–1916) oğlu idi.

Azərbaycan Dövlət Universitetinin Hüquq fakültəsini bitirsə də ədəbiyyata meyil etmişdir. "Azərnəşr"də bədii ədəbiyyat şöbəsinin redaktoru, Azərbaycan Tədris-Pedaqoji Nəşriyyatında baş redaktor, Radio Verilişləri və Dövlət Televiziya Komitəsində sədr müavini, "Kommunist" qəzetində redaktor müavini vəzifələrində calışmışdır. 1966-cı ildə "Azərbaycan" jurnalının baş redaktoru təyin edilmiş, 1975-ci ildən ömrünün sonunadək isə Kitab Ticarəti, Poliqrafiya və Nəşriyyat işləri üzrə Dövlət Komitəsi sədrinin birinci müavini vəzifəsində işləmişdir.

Cəlal Məmmədov 1983-cü il fevralın 4-də 65 yaşında vəfat etmişdir.