Dövlət Xatun

Dövlət Xatun
Dəfn edildiyi Dövlət Xatun türbəsi, Bursa
Validə sultan
Əvvəlki	Gülçiçək Xatun
Sonrakı	Əminə Xatun
Şəxsi məlumatlar
Doğum tarixi	1361(1361) və ya 1365(1365)
Doğum yeri	Kütahya
Vəfat tarixi	23 yanvar 1414(1414-01-23) (48–53 yaşında) və ya 1411(1411) (45–50 yaşında)
Vəfat yeri	Ədirnə, Osmanlı imperiyası
Dəfn yeri	Dövlət Xatun türbəsi, Bursa
Fəaliyyəti	əsilzadə
Həyat yoldaşı	İldırım Bəyazid
Uşaqları	I Mehmed, Mustafa Çələbi
Ailəsi	Osmanlı xanədanı
Dini	İslam
Vikianbarda əlaqəli mediafayllar

Dövlət Xatun (1361 və ya 1365, Kütahya – 23 yanvar 1414 və ya 1411, Ədirnə) — 4-cü Osmanlı sultanı İldırım Bəyazidin xanımı və Çələbi Mehmedin anası, Validə sultan.

1361-ci ildə dünyaya gəldiyi ehtimal olunur. İldırım Bəyazidin Kütahya sancaqbəyi olduğu illərdə saraya alındığı və yeganə övladını da burada dünyaya gətirdiyi bilinir. Saraya necə alındığı bilinməsə də, vəqf sənədlərində "Abdullah qızı" olaraq anılır və bu səbəblə saraya cariyə olaraq alındığı anlaşılır.

1386-cı ildə yeganə övladı olan Mehmed Çələbini dünyaya gətirdi. Bəzi mənbələrdə İsa Çələbinin də anasının Dövlət Xatun olduğu qeyd edilsə də, bu məlumat yanlışdır. Belə ki, İsa Çələbi İldırım Bəyazidin xanımlarından və Gərmiyanoğlu Süleyman bəyin qızı olan Dövlətşah Xatundan dünyaya gəlmişdir.

1393-cü ildə Amasya sancaqbəyi təyin edilən oğlu Mehmed Çələbiylə birlikdə Amasyaya yollandı və 1402-ci ilədək burada qaldı. Ankara döyüşü və ardından başlayan taxt mübarizəsi illərində Bursada yaşayan Dövlət Xatun oğlunun 1413-cü ildə hakimiyyəti ələ almasıyla Ədirnə sarayına gətirildi. Burada sultanın anası olaraq nüfuz qazandı. Ancaq çox keçmədən 23 yanvar 1414-cü ildə Ədirnədə vəfat etdi. Cənazəsi oğlu tərəfindən Bursada inşa olunan Dövlət Xatun türbəsinə dəfn edildi.