Dağdağan (Xocalı)

Dağdağan
39°47′52″ şm. e. 46°49′18″ ş. u.HGYO
Ölkə	Azərbaycan
Rayon	Xocalı rayonu
Tarixi və coğrafiyası
Mərkəzin hündürlüyü	962 m
Saat qurşağı	UTC+04:00
Əhalisi
Əhalisi	213 nəf. (2005)
Xəritəni göstər/gizlə Dağdağan
Vikianbarda əlaqəli mediafayllar

Dağdağan — Azərbaycan Respublikasının Xocalı rayonunun Harov kənd inzibati ərazi dairəsində kənd.

Dağdağan kəndi Xocalı şəhərindən 12 km cənub-şərqdə, Qarabağ silsiləsinin şimal-şərq ətəyində yerləşir.

1992-ci ilin fevral ayında 2020-ci ilə kimi Ermənistan Silahlı Qüvvələrinin işğalı altında düşmüşdü. İşğal vaxtı separatçı rejim tərəfindən Krasnı adlandırılırdı.

2005-ci ildə Dağlıq Qarabağda keçirilən əhalinin siyahıyaalmasına əsasən Dağdağan kəndinin əhalisinin əhalinin sayı 213 nəfər təşkil edirdi.

İkinci Qarabağ müharibəsinin nəticələrinə əsasən imzalanmış 10 Noyabr 2020-ci il tarixli üçtərəfli bəyanata uyğun olaraq Dağdağan kəndi Rusiya Sülhməramlı qüvvələrinin nəzarətində olmuş.

19–20 sentyabr 2023-cü ildə aparılan lokal xarakterli antiterror əməliyyatları nəticəsində Azərbaycan Respublikası Silahlı Qüvvələrinin nəzarətinə qaytarılmışdır.

21 dekabr 2023-ci il tarixində Azərbaycan Prezidenti İlham Əliyev Dağdağan kəndində olub, kəndin ərazisinə baxış keçirmişdi.

Toponim Azərbaycanda bitən və qədimdən müqəddəs, pis qüvvələrdən qoruyucu hesab edilən dağdağan ağacının adı ilə bağlıdır. Fitotoponimdir. Azərbaycanda bu bitkinin adı ilə Dağdağan dağı (Xanlar və Şahbuz rayonları), Dağdağanlı dərə (Oğuz, Qəbələ, Qubadlı, Zəngilan, Qazax, Cəlilabad rayonları), Dağdağanlı Qobu (Şəki), Dağdağanlıdüz (Cəbrayıl), Dağdağan təpəsi (Xocavənd) və s. oronimlər də qeydə alınmışdır.

Dağdağan kəndi 1992-ci ilin fevral ayında işğal olunmuşdan qabaq, kəndin əhalisi əkinçilik və heyvandarlıqla məşğul idi, kənndə səkkizillik məktəb, uşaq bağçası, klub, kitabxana, tibb məntəqəsi mövcud idi.

• Xocalı soyqırımı