Elşad Həsənov

Elşad Həsənov
Yasamal Rayon İcra Hakimiyyətinin başçısı
Vəzifədədir
12 noyabr 2019-cu ildən
Əvvəlki	Əziz Əzizov
Azərbaycan Respublikasının Milli Məclisi V çağırış deputatı
2015 – 12 noyabr 2019
Seçki dairəsi	2015 — 17 saylı Yasamal üçüncü
Əvvəlki	Ülvi Quliyev
Sonrakı	Elnur Allahverdiyev
Şəxsi məlumatlar
Doğum tarixi	27 sentyabr 1976(1976-09-27) (50 yaş)
Doğum yeri	Bakı, Azərbaycan SSR
Təhsili	Bakı şəhəri 23 nömrəli tam orta məktəb[d], Bakı Dövlət Universitetinin Hüquq fakültəsi (1992–1997)
Fəaliyyəti	siyasətçi
Təltifləri

Elşad Eldar oğlu Həsənov (27 sentyabr 1976, Bakı) — Yasamal rayonu İcra Hakimiyyətinin başçısı (2019), Azərbaycan Respublikası Milli Məclisinin V çağırış deputatı (2015–2019).

27 senytbar 1976-cı ildə Bakı şəhərində müəllim ailəsində anadan olub. 1992-ci ildə Bakı şəhər Nəsimi rayonu 23 saylı orta məktəbi qızıl medalla bitirib.

1992–1997-ci illərdə Bakı Dövlət Universitetinin hüquq fakültəsində təhsil alıb. Həmin ilin dekabr ayında BDU-nun cinayət prosesi kafedrasında aspiranturaya qəbul olub və 2001-ci ildən aspiranturanı fərqlənmə ilə bitirib. 2004-cü ilin noyabr ayında namizədlik dissertasiyasını müdafiə edərək, Azərbaycan Prezidenti yanına Ali Attestasiya Komissiyasının qərarı ilə hüquq elmləri namizədi, alimlik dərəcəsinə layiq görülüb.

İngilis və rus dillərini bilir.

Azərbaycan Milli Məclisinə 17 saylı Yasamal 3-cü Seçki Dairəsindən V çağırış deputat seçilib. Partiya mənsubiyyəti yoxdur.

Azərbaycan Respublikasının Prezidenti İlham Əliyevin 12 noyabr 2019-cu il sərəncamı ilə Elşad Eldar oğlu Həsənov Bakı şəhəri Yasamal Rayon İcra Hakimiyyətinin başçısı təyin edilib.