Fuad Nəcəfov

Fuad Nəcəfov
Fuad Nəcəfov
Şəxsi məlumatlar
Doğum tarixi	1 oktyabr 1990
Doğum yeri	İsmayıllı rayonu, Azərbaycan SSR
Vəfat tarixi	7 oktyabr 2020 (30 yaşında)
Vəfat yeri	Cəbrayıl rayonu, Azərbaycan
Dəfn yeri	İsmayıllı rayonu, Azərbaycan
Vətəndaşlığı	Azərbaycan
Təhsili	Silahlı Qüvvələrin TTM-i;
Hərbi fəaliyyəti
Mənsubiyyəti	Müdafiə Nazirliyi
Qoşun növü	Hərbi Dəniz Qüvvələri
Xidmət illəri	2008—2009 / 2010—2020
Rütbəsi	Miçman
Döyüşlər	• Qarabağ müharibəsi (2020) Cəbrayılın azad edilməsi; ;
Təltifləri

Fuad Taleh oğlu Nəcəfov (1 oktyabr 1990, İsmayıllı rayonu – 7 oktyabr 2020, Cəbrayıl rayonu) — Azərbaycan Müdafiə Nazirliyinin Hərbi Dəniz Qüvvələrinin miçmanı; 2020-ci ildə Qarabağ müharibəsi zamanı Cəbrayılın azad edilməsi uğrunda gedən döyüşlərdə şəhid olub, ölümündən sonra "Qarabağ" ordeni ilə təltif edilib.

Tərcümeyi-halı

Fuad Taleh oğlu Nəcəfov 1990-cı il, oktyabrın 1-də İsmayıllı rayonunun Qalınçaq kəndində anadan olub.

2008-ci ildə İsmayıllı rayonu Qalınçaq kənd tam orta məktəbindən məzun olub.

2008-ci ildə İsmayıllı Rayon Hərbi Komissarlığı tərəfindən müddətli həqiqi hərbi xidmətə çağırılıb və 2008–2009-ci illərdə Hərbi Dəniz Qüvvələrinin N saylı hərbi hissədə xidmət edib.

2010-cu ildə Silahlı Qüvvələrin Təlim və Tədris Mərkəzinin "Gizir hazırlığı kursu"nu bitirib.

Azərbaycan müdafiə naziri, general-polkovnik Səfər Əbiyevin müvafiq əmrinə əsasən "miçman" hərbi rütbəsi verilib.

Azərbaycan Silahlı Qüvvələrində xidmət etdiyi 10 il ərzində radiokəşfiyyat taqımının (REM-T) qrup rəisi, xüsusi təyinatlı qrupun dalğıcı-kəşfiyyatçı vəzifələrində xidmət edib.

Müxtəlif illərdə müdafiə nazirinin əmrləri ilə "Qüsursuz xidmətə görə" 3-cü dərəcəli medalı, "Azərbaycan Silahlı Qüvvələrinin 95 illiyi" və "Azərbaycan Ordusunun 100 illiyi" yubiley medalları ilə, habelə fəxri fərmanlarla təltif edilib.

2020-ci il, sentyabrın 27-də başlanan Qarabağ müharibəsi zamanı Cəbrayılın azad edilməsi uğrunda gedən döyüş əməliyyatlarına qatılıb. Oktyabrın 7-də Cəbrayıl rayonu ərazisində döyüş tapşırığının icrası zamanı şəhid olub. İsmayıllı rayonunun Qalınçaq kəndində dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə, həmçinin "Cəbrayılın azad olunmasına görə" və "Vətən uğrunda" medalları ilə təltif edilib.

Evli idi. Nazlı adında bir oğlu var.