Fəttah Heydərov

Fəttah Heydərov
Fəttah Heydərov
Azərbaycan Respublikası Milli Məclisinin deputatı
	24 noyabr 1995 – 4 avqust 2020
Azərbaycan Ağsaqqallar Şurasının sədri
	16 fevral 2013 – 4 avqust 2020
Əvvəlki	Budaq Budaqov
Sonrakı	Eldar Quliyev
Naxçıvan Muxtar Respublikasının mədəniyyət naziri
	17 noyabr 1990 – 1995
Əvvəlki	vəzifənin adı dəyişdirilib
Sonrakı	Nizami Həmzəyev
Naxçıvan MSSR mədəniyyət naziri
	1983 – 17 noyabr 1990
Sonrakı	vəzifənin adı dəyişdirilib
Azərbaycan Kommunist Partiyası Culfa Rayon Komitəsinin birinci katibi
	1980 – 1983
Sonrakı	Əli Məmmədov
Azərbaycan Kommunist Partiyası Ordubad Rayon Komitəsinin birinci katibi
	1978 – 1980
Sonrakı	Şəmsəddin Xanbabayev
Naxçıvan MSSR əhaliyə məişət xidməti naziri
	1976 – 1978
Şəxsi məlumatlar
Doğum tarixi	23 fevral 1938
Doğum yeri	Çeşməbasar, Naxçıvan rayonu, Naxçıvan MSSR, Azərbaycan SSR, SSRİ;
Vəfat tarixi	4 avqust 2020 (82 yaşında)
Vəfat yeri	Bakı, Azərbaycan;
Dəfn yeri	Birinci Fəxri Xiyaban;
Təhsili	Bakı Dövlət Universiteti,; Azərbaycan Respublikasının Prezidenti yanında Dövlət İdarəçilik Akademiyası;
Fəaliyyəti	siyasətçi
Uşağı	Kəmaləddin Heydərov;
Dini	İslam
Təltifləri
	Vikianbarda əlaqəli mediafayllar

Fəttah Səməd oğlu Heydərov (23 fevral 1938, Çeşməbasar, Naxçıvan rayonu – 4 avqust 2020, Bakı) — Azərbaycan Respublikası Milli Məclisinin deputatı, Milli Məclisin Hesablayıcı Komissiyasının sədri, Regional Məsələlər Komitəsinin sədr müavini, Azərbaycan Ağsaqqallar Şurasının sədri.

Həyatı

Fəttah Heydərov 1938-ci il fevralın 23-də Naxçıvan MSSR Babək rayonunun Çeşməbasar kəndində anadan olmuşdur. 1955-ci ildə Nehrəm kənd orta məktəbini, 1959–1964-cü illərdə Azərbaycan Dövlət Universitetinin mexanika-riyaziyyat fakültəsini, 1975-ci ildə Bakı Ali Partiya Məktəbini bitirmişdir.

Əmək fəaliyyətinə 1955-ci ildə Babək rayonu Güznüt kənd klubunun müdiri kimi başlamışdır. 1958-ci ildən Çeşməbasar səkkizillik məktəbinin müəllimi, 1968-ci ildən Naxçıvan Vilayət Partiya Komitəsinin təlimatçısı, 1970-ci ildən Ordubad Rayon Partiya Komitəsinin ikinci katibi işləmiş, 1970–1990-cı illərdə Naxçıvan şəhər və Ordubad Rayon Xalq Deputatları Sovetinin deputatı seçilmişdir.

1976–1978-ci illərdə Naxçıvan MSSR əhaliyə məişət xidməti naziri işləmişdir. 1978-ci ildən Ordubad, 1980-ci ildən Culfa Rayon Partiya Komitəsinin birinci katibi, 1983–1995-ci illərdə Naxçıvan Muxtar Respublikasının mədəniyyət naziri işləmişdir.

1990–1995-ci illərdə Naxçıvan Muxtar Respublikası Ali Sovetinin, Azərbaycan Respublikası Milli Məclisinin I (1995–2000), II (2000–2005), III (2005–2010), IV (2010–2015), V (2015–2020), VI (2020) çağırış deputatı olmuşdur. Milli Məclisin Hesablayıcı Komissiyasının sədri, Regional Məsələlər Komitəsinin sədr müavini olmuşdur. Azərbaycan Ağsaqqallar Şurasının sədri vəzifəsində işləmişdir.

4 avqust 2020-ci ildə vəfat etmiş, I Fəxri Xiyabanda dəfn olunmuşdur.

Mükafatları

SSRİ-nin "Şərəf nişanı" ordeni (1975) və medallarla təltif edilmişdir.
20 fevral 2008-ci ildə Azərbaycan Respublikasının mədəni və ictimai-siyasi həyatında fəal iştirakına görə Fəttah Səməd oğlu Heydərov "Şöhrət" ordeni ilə təltif edilmişdir
22 fevral 2013-cü ildə Azərbaycan Respublikasının ictimai-siyasi həyatında fəal iştirakına görə Fəttah Səməd oğlu Heydərov "Şərəf" ordeni ilə təltif edilmişdir.
22 fevral 2018-ci ildə Azərbaycan Respublikasının ictimai-siyasi həyatında uzunmüddətli səmərəli fəaliyyətinə görə Fəttah Səməd oğlu Heydərov "İstiqlal" ordeni ilə təltif edilmişdir.

Ailəsi

5 övladı olmuşdur.
Azərbaycan Respublikasının fövqəladə hallar naziri, general-polkovnik Kəmaləddin Heydərovun atasıdır.
"Avropa-Azərbaycan Cəmiyyəti"nin sədri, "Qəbələ" Futbol Klubunun keçmiş prezidenti Tale Heydərovun babasıdır.