Hacılar (Laçın)

Hacılar
39°38′54″ şm. e. 46°22′27″ ş. u.HGYO
Ölkə	Azərbaycan
Region	Şərqi Zəngəzur iqtisadi rayonu
Rayon	Laçın rayonu
Xəritəni göstər/gizlə Hacılar

Hacılar — Azərbaycan Respublikasının Laçın rayonunun Hacılar kənd inzibati ərazi dairəsində kənd.

1992-ci ildə Ermənistan Respublikası Silahlı Qüvvələri tərəfindən işğal edilib. 1 dekabr 2020-ci ildə Azərbaycan Silahlı Qüvvələrinin nəzarətindədir.

Kənd Qarabağ yaylasındadır. XIX əsrdə Qarıqışlaq kəndinin binə yerlərindən biri olan bu ərazidə Hacı qəbri adlanan yer də var. Yaşayış məntəqəsi qızılbaşların zülqədər tayfasının hacılar tirəsinə mənsub ailələrin məskunlaşması nəticəsində yarandığı üçün belə adlandırılmışdır. Etnotoponimdir. Bu baxımdan Azərbaycan Respublikasının bir çox bölgələrində, Gədəbəy, Tovuz, Xaçmaz, Ağdaş, Ağcabədi, Bərdə rayonlarında Hacılar yaşayış məntəqəsi mövcuddur.

15 yanvar 1990-ci ildə erməni qüvvələri Hacılar kəndinə hücum edərək mal-qaranı oğurlamışdəlar. Növbəti gün Hacılar kəndində erməni qüvvələri ilə atışma baş vermişdir. Münaqişə nəticəsində Azərbaycan tərəfindən bir nəfər həlak olmuş, daha bir nəfər isə yaralanmışdır.

Əsas təsərrüfatı heyvandarlıq idi.

• Hacılar oymağı