Hadi Rəcəbli

Hadi Rəcəbli
Hadi Rəcəbli
Azərbaycan Respublikasının Milli Məclisinin I–V çağırış deputatı
	24 noyabr 1995 – 10 mart 2020
Azərbaycan Kommunist Partiyası Şəki Şəhər Komitəsinin birinci katibi
	7 dekabr 1983 – 26 noyabr 1988
Əvvəlki	Nurəddin Mustafayev
Sonrakı	Azər Mustafazadə
Lənkəran Şəhər Xalq Deputatları Soveti İcraiyyə Komitəsinin sədri
	1980 – 1981
Əvvəlki	Əliddin Qurbanov
Sonrakı	Mirsəmid Abbasov
Şəxsi məlumatlar
Doğum adı	Rəcəbli Hadi Musa oğlu
Doğum tarixi	25 oktyabr 1947
Doğum yeri	Viravul, Lənkəran rayonu, Azərbaycan SSR, SSRİ;
Vəfat tarixi	17 aprel 2024 (76 yaşında)
Vəfat yeri	Bakı, Azərbaycan;
Vəfat səbəbi	ürək tutması
Dəfn yeri	II Fəxri Xiyaban;
Partiya	Yeni Azərbaycan Partiyası,; Sovet İttifaqı Kommunist Partiyası (1970–1991);
Təhsili	Azərbaycan Respublikasının Prezidenti yanında Dövlət İdarəçilik Akademiyası;
Fəaliyyəti	alim, siyasətçi
Elmi fəaliyyəti
Elmi dərəcəsi	siyasi elmlər doktoru[d];
Təltifləri

Hadi Musa oğlu Rəcəbli (Rəcəbov) (25 oktyabr 1947, Viravul, Lənkəran rayonu – 17 aprel 2024, Bakı) — Azərbaycan Respublikasının Milli Məclisinin I–V çağırış deputatı (1995–2020), Əmək və Sosial Siyasət Komitəsinin sədri, siyasi elmlər doktoru, professor.

Həyatı

Hadi Musa oğlu Rəcəbli 1947-ci il oktyabrın 25-də Lənkəran rayonunun Viravul kəndində anadan olmuşdur. Hadi Rəcəblinin babaları Lerikin Soru kəndindən Lənkəranın Veravul kəndinə 1730-ci illərdə köçmüşdülər. Sonradan Veravulda bu ərazi Rəcəb kişinin adına görə Rəcəb məhəllə olaraq adlandırılmışdır. "Lənkəran qəzasının kameral təsviri – 1849-cu il" kitabında Hadi Rəcəblinin ulu babaları 1849-cu il kənd qeydiyyatında belə qeyd olunmuşdur: 19.20 Şahverən Rəcəb oğlu 30 yaş; Qardaşları: Nəzər 20 yaş, Şahgəldi 15 yaş.

Moskva Yeyinti Sənayesi İnstitutunun texnologiya fakültəsini və Bakı Ali Partiya məktəbini bitirmişdir. 1963-cü ildən Lənkəran çörək zavodunda fəhlə, mühasib, texnoloq, iqtisadçı işləmişdir. 1971-ci ildən Lənkəran Şəhər Komsomol Komitəsinin ikinci katibi, 1972-ci ildən birinci katibi, 1978-ci ildən "Bakinski raboçi" qəzetinin xüsusi müxbiri, 1980-ci ildən Lənkəran Şəhər İcraiyyə Komitəsinin sədri olmuşdur. 1981-ci ildən Azərbaycan KP MK-nın inspektoru, 1983-cü ildən Şəki Şəhər Partiya Komitəsinin birinci katibi, 1989–1995-ci illərdə Azərbaycan Respublikasının Nazirlər Kabinetində referent, aparıcı mütəxəssis, bölmə müdiri, şöbə müdirinin müavini, şöbə müdiri vəzifələrində çalışmışdır.

Ehtiyatda olan mayor olmuşdur. 9 kitabın və 220-dən çox elmi-publisistik məqalənin müəllifidir. Azərbaycanda ilk siyasi elmlər namizədidir.

Yeni Azərbaycan Partiyası Siyasi Şurasının üzvü olmuşdur. On birinci çağırış Azərbaycan SSR Ali Sovetinin, birinci, ikinci, üçüncü, dördüncü və beşinci çağırış Azərbaycan Respublikası Milli Məclisinin deputatı seçilmişdir.

17 aprel 2024-cü ildə vəfat edib. İkinci Fəxri Xiyabanda dəfn olunub.

Təltifləri

"Əmək igidliyinə görə" medalı (1976),
"Əmək rəşadətinə görə" medalı (1977),
"Şərəf" nişanı (1986),
"Şöhrət" ordeni (2007),
İkinci dərəcəli "Vətənə xidmətə görə" ordeni (2017) ilə təltif edilmişdir.

Ailəsi

Evlidir, 4 övladı, 10 nəvəsi var. Bakı Slavyan Universitetinin sabiq rektoru Nurlana Əliyeva ilə qudadır.