Hikmət Muradov

Hikmət Muradov
Hikmət Muradov
	Hikmət Oqtay oğlu Muradov
Şəxsi məlumatlar
Doğum tarixi	23 yanvar 1969
Doğum yeri	Bakı, Azərbaycan SSR, SSRİ;
Vəfat tarixi	29 oktyabr 1991 (22 yaşında)
Vəfat yeri	Xanabad, Xocalı rayonu, Azərbaycan
Vəfat səbəbi	şəhid olmuşdur.
Dəfn yeri	Bakı şəhəri Şəhidlər xiyabanı
Vətəndaşlığı	SSRİ→; Azərbaycan
Hərbi fəaliyyəti
Döyüşlər	Birinci Qarabağ müharibəsi
Təltifləri

Hikmət Muradov (tam adı: Hikmət Oqtay oğlu Muradov ; 23 yanvar 1969, Bakı – 29 oktyabr 1991, Xanabad, DQMV) — Azərbaycanın Milli Qəhrəmanı, Birinci Qarabağ müharibəsi şəhidi.

Həyatı

23 yanvar 1969-cu ildə Bakı şəhərində doğulmuşdur. 1976–1986-cı illərdə 190 saylı orta məktəbdə təhsil almışdır. Həmin il Krasnokustk Mülki Aviasiya Məktəbinə daxil olur. 1991-ci ildə buranı fərqlənmə diplomu ilə bitirir. Daha sonra Hikmət Yevlax hava yollarında ikinci pilot kimi fəaliyyətə başlayır.

Döyüşlərdə iştirakı

Hikmət AN-2 təyyarəsi ilə dəfələrlə müharibə gedən əraziyə uçuşlar etmişdi. O, döyüşçülərimizə ərzaq, silah-sursat daşınmasında misilsiz işlər görmüşdü. Cəsur pilot əfsanəvi uçuşlarla hamını heyran qoyurdu… 1991-ci il 29 oktyabr Xocalı rayonunun Xanabad kəndi ərazisində onun idarə etdiyi AN-2 təyyarəsi ermənilər tərəfindən güclü raket atəşinə məruz qalır. Hikmət heyətlə həlak olur.

Ailəsi

Subay idi.

Milli Qəhrəman

Azərbaycan Respublikası prezidentinin 25 noyabr 1992-ci il tarixli 337 saylı fərmanı ilə Muradov Hikmət Oqtay oğlu ölümündən sonra "Azərbaycanın Milli Qəhrəmanı" adına layiq görülmüşdür.

Bakı şəhərinin Şəhidlər xiyabanında dəfn edilib.

Vaxtilə oxuduğu 190 saylı məktəbdə onun barelyefi vurulub.

Ədəbiyyat

Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 214.