Hikmət Mirməmmədli

Hikmət Mirməmmədli
Ümumi məlumatlar
Doğum tarixi	20 mart 1961(1961-03-20)
Doğum yeri	Bakı, Azərbaycan SSR, SSRİ
Vəfat tarixi	22 may 2007(2007-05-22) (46 yaşında)
Vəfat yeri	Bakı, Azərbaycan
Vəfat səbəbi	ürək tutması
Həyat yoldaşı	Nailə Mirməmmədli
Musiqiçi məlumatları
Fəaliyyəti	bəstəkar
Fəaliyyət illəri	1982-ci ildən
Janr	muğam
Musiqi aləti	fortepiano
Mükafatları

Hikmət Mirməmmədli (20 mart 1961, Bakı – 22 may 2007, Bakı) — Azərbaycan Respublikasının Əməkdar İncəsənət Xadimi və bəstəkarı, kino bəstəkarı.

Əməkdar incəsənət xadimi Hikmət Mirməmmədli 22 may 2007-ci ildə ürək tutmasından vəfat edib.

2007-ci ildə Azərbaycan Respublikası Prezidentinin Fərmanı ilə Azərbaycan Respublikasının Əməkdar incəsənət xadimi fəxri adına layiq görülmüşdür.

Yaradıcılığı

Hikmət Mirməmmədli bir-birindən gözəl bəstələri ilə tanınmışdır. Həyat yoldaşı, bəstəkar Nailə Mirməmmədli ilə birgə yazdıqları mahnıları əvvəlcə adlarını bildirmədən dinləyicilərin ixtiyarına verirdilər. Musiqi təhsilinin olmamasını özləri üçün qəbahət sayırdılar. Tofiq Quliyevdən bəstəkarlıq dərsləri aldıqdan sonra, dinləyicilər və müğənnilər yeni musiqi inciləri ilə tanış olmaq imkanı əldə etdilər. Azərbaycanın məşhur müğənnilərinin əksəriyyəti bu gözəl bəstəkar cütlüyün mahnılarını ifa ediblər. Az yaşamağına baxmayaraq, Hikmət Mirməmmədli yaradıcılığı zəngin olan bəstəkarlarımızdandır. "Düşüncələr", "Sənli-sənsiz günlərim", "Sən oldun", "Röyan olum", "Azərbaycan", "Dünya boyda məhəbbətim" onun yaradıcılığında bir damladır.

1. Böyük ömrün davamı (film, 2007)
2. Pərvanələrin rəqsi (serial, 2012)