Dəstək
Pulsuz Yükləmə və Məlumat Platforması

Kamran Qurbanəli oğlu Kazımov (7 dekabr 1990, Voloqda vilayəti – 5 oktyabr 2020, Cəbrayıl rayonu) — Azərbaycan Daxili İşlər Nazirliyinin Daxili Qoşunlarının baş

Kamran Kazımov

Vikipediya, azad ensiklopediya
Kamran Kazımov
Şəxsi məlumatlar
Doğum tarixi 7 dekabr 1990(1990-12-07)
Doğum yeri
  • Voloqda vilayəti, RSFSR, SSRİ
Vəfat tarixi 5 oktyabr 2020(2020-10-05) (29 yaşında)
Vəfat yeri
Dəfn yeri
  • Hərbi Memorial Məzarlıq
Vətəndaşlığı Azərbaycan Azərbaycan
Təhsili
  • Daxili Qoşunların Orta İxtisas Hərbi Məktəbi
Hərbi fəaliyyəti
Mənsubiyyəti Daxili İşlər Nazirliyi
Qoşun növü Azərbaycan Daxili Qoşunlar
Xidmət illəri 2010—2011 / 2014—2020
Rütbəsi
Baş leytenant
Döyüşlər
 • Qarabağ müharibəsi (2020)
    • Cəbrayılın azad edilməsi
Təltifləri "Qarabağ" ordeni "Vətən uğrunda" medalı — 2020 "Cəbrayılın azad olunmasına görə" medalı "Kəlbəcərin azad olunmasına görə" medalı "Qüsursuz xidmətə görə" 3-cü dərəcəli medalı

Kamran Qurbanəli oğlu Kazımov (7 dekabr 1990, Voloqda vilayəti – 5 oktyabr 2020, Cəbrayıl rayonu) — Azərbaycan Daxili İşlər Nazirliyinin Daxili Qoşunlarının baş leytenantı; 2020-ci ildə Qarabağ müharibəsi zamanı Cəbrayılın azad edilməsi uğrunda gedən döyüş əməliyyatları zamanı şəhid olub, ölümündən sonra "Qarabağ" ordeni ilə təltif edilib.

Tərcümeyi-halı

Kamran Qurbanəli oğlu Kazımov 1990-cı il, dekabrın 7-də Rusiya Federasiyasının Voloqda vilayəti anadan olub.

1997–2008-ci illərdə Xətai rayonu S. Həsənov adına 63 nömrəli tam orta məktəbdə təhsil alıb.

2010-cu ildə Xətai Rayon Hərbi Komissarlığı tərəfindən müddətli həqiqi hərbi xidmətə çağırılıb və 2010–2011-ci illərdə Daxili İşlər Nazirliyinin Daxili Qoşunlarının Bərdə rayonunda yerləşən N saylı hərbi hissədə xidmət edib.

2012-ci ildə sənədlərini Daxili Qoşunların Orta İxtisas Hərbi Məktəbinə verib və 2012–2014-cü illərdə burada təhsil alıb.

2014-cü ildən qoşunların sıralarında taqım komandiri, qrup komandiri vəzifələrində xidmət edib.

Müxtəlif illərdə daxili işlər nazirinin əmrləri ilə "Qüsursuz xidmətə görə" 3-cü dərəcəli medalı ilə, habelə fəxri fərmanlarla təltif edilib.

2020-ci il, sentyabrın 27-də başlanan Qarabağ müharibəsi zamanı Cəbrayılın azad edilməsi uğrunda gedən döyüş əməliyyatlarına qatılıb. Oktyabrın 5-də Cəbrayıl rayonu ərazisində döyüş tapşırığının icrası zamanı şəhid olub. 2 saylı Şəhidlər Xiyabanında dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə, həmçinin "Cəbrayılın azad olunmasına görə", "Kəlbəcərin azad olunmasına görə" və "Vətən uğrunda" medalları ilə təltif edilib.

Evli idi. Aydan və Kamrana adında 2 qızı var.

Üst