Ləmbəli (Loru)

Kənd
Ləmbəli
41°14′45″ şm. e. 44°49′16″ ş. u.HGYO
Ölkə	Ermənistan
Tarixi və coğrafiyası
Mərkəzin hündürlüyü	450 m
Əhalisi
Əhalisi	2.732 nəf. (1831, 1897, 1926, 1939, 1959, 1970, 1979, 1989, 2001, 2011)
Rəsmi dili	erməni dili
Rəqəmsal identifikatorlar
Poçt indeksi	4104
Xəritəni göstər/gizlə Ləmbəli
Vikianbarda əlaqəli mediafayllar

Ləmbəli və ya Baqrataşen (amh. Բագրատաշեն, Bagratašen; gürc. ბაგრატაშენი, Bagrathasheni) — Ermənistan Respublikasının Tavuş mərzinin Noyemberyan bələdiyyəsində kənd. Kənd Gürcüstanla sərhədə yaxın, Gürcüstanın Sadaxlı kəndi isə sərhədin digər tərəfində yerləşir. Kənd Debed (Tona) çayının sağ sahilində, Ermənistan-Gürcüstan sərhəddinə yaxın ərazidə yerləşir. Baqrataşen Ermənistanın ən şimal yaşayış məntəqəsidir.

Bu yer "Ermənistan"ın şimalında sonuncu nöqtədir. Dəniz səviyyəsindən 470 m yüksəklikdə yerləşən, dərəli-təpəli, dağlı-düzlü yerdir.

Erməni mənbələrində "Ləmbəli qyuğ" formasında qeyd edilir.

Toponim "rütubətli və bürkülü zonalar üçün səciyyəvi olan tikili" mənasında işlənən ləm və "düzənlik, açıqlıq, açıq yer", "geniş düzənlik" mənasında işlənən pila//pala (> bəli) sözlərinin birləşməsindən əmələ gəlmişdir. Relyeflə bağlı yaranan toponimdir.

Qışı mülayim-orta temperaturu +50 °C, yayı nisbətən isti –orta temperaturu +300C-dir.

Kənddə 1831-ci ildə 11 nəfər, 1886-cı ildə 292 nəfər, 1897-ci ildə 376 nəfər, 1908-ci ildə 400 nəfər, 1914-cü ildə 493 nəfər azərbaycanlı yaşamışdır. 1915-ci ildən sonra azərbaycanlılar ermənilərin təcavüzünün nəticəsində tarixi-etnik torpaqlarından qovulmuşlar. İndiki Ermənistan sovet hakimiyyəti qurulandan sonra azərbaycanlılar geri qayıda bilmişlər. 1922-ci ildə 783 nəfər, 1926-cı ildə 857 nəfər, 1931-ci ildə 1034 nəfər, 1939-cu ildə 1289 nəfər azərbaycanlı yaşamışdır.

1948–1949-cu illərdə SSRİ Nazirlər Sovetinin xüsusi qərarı ilə azərbaycanlılar Azərbaycana köçürülmüşdür. Ləmbəlilər bu haqsızlığa qarşı çıxmış, apardıqları mübarizə nəticəsində onlar geri — öz kəndlərinə qayıtmışlar. 1959-cu ildə burada 1151nəfər, 1970-ci ildə 2000 nəfər, 1987-ci ildə 1500-dən çox azərbaycanlı yaşamışdır, lakin "Ermənistan və ətraf vilayətlərin toponimlər lüğəti" kitabında kəndin azərbaycanlı əhalisi ermənilər kimi göstərilmişdir. 1988-ci ildə azərbaycanlılar qovulmuş, kənddə ermənilər yerləşdirilmişdir.