Məhəmməd Mürsi

Məhəmməd Mürsi
Məhəmməd Mürsi
	محمد مرسى
Misir Ərəb Respublikasının 5-ci Prezidenti
	30 iyun 2012 – 3 iyul 2013
Əvvəlki	Məhəmməd Hüseyn Tantavi (müvəqqəti)
Sonrakı	Ədli Mənsur (müvəqqəti)
Şəxsi məlumatlar
Doğum tarixi	8 avqust 1951
Doğum yeri	Misir krallığı;
Vəfat tarixi	17 iyun 2019 (67 yaşında)
Vəfat yeri	Qahirə, Misir;
Vəfat səbəbi	ürək tutması
Dəfn yeri	Qahirə;
Partiya	Azadlıq və Ədalət Partiyası;
Təhsili	Qahirə Universiteti[d],; Cənubi Kaliforniya Universiteti (1982);
Fəaliyyəti	siyasətçi, mühəndis, universitet müəllimi, parlament üzvü[d], prezident
Dini	İslam
Təltifləri
	morsi.info
	Vikianbarda əlaqəli mediafayllar

Məhəmməd Məhəmməd Mürsi İsa əl-Əyyat (ərəb. محمد مرسى‎; 8 avqust 1951 – 17 iyun 2019) — Misir dövlət xadimi, Misirin ümumilikdə beşinci, demorkatik seçki ilə seçilən ilk prezidenti. Müsəlman Qardaşlar təşkilatı əsasında yaradılmış Azadlıq və Ədalət Partiyasının sədridir. 2012-ci ildə Mursi Misirdəki prezident seçkilərinin ikinci turunda qalib gəldi.

Həyatı

Məhəmməd Mursi 1951-ci ildə anadan olub. Qahirə Universitetini bitirib. ABŞ-nin Cənubi Kaliforniya Universitetində doktorluq dissertasiyası müdafiə edib. Misir və ABŞ universitetlərində dərs deyib.

1992-ci ildə “Müsəlman Qardaşlar” hərəkatına qoşulan Məhəmməd Mursi 2000-ci ildə parlamentin deputatı seçilib. 2006-cı ildə Hüsnü Mübarək rejiminə qarşı aksiyalara görə 7 ay həbsdə yatıb. 2011-ci ilin aprelində “Müsəlman Qardaşlar” hərəkatına daxil olan Azadlıq və Ədalət Partiyasına rəhbər seçilib. 2012-ci ildə Misir prezidenti seçilib. Lakin 2013-cü ilin iyun və iyul aylarında baş vermiş kütləvi nümayişlərdən sonra Misir Silahlı Qüvvələri tərəfindən devrilərək həbs olunub.

17 iyun 2019-cu ildə ölkənin paytaxtı Qahirədə vəfat edib. O, əsas dövlət müttəhimi kimi təqsirləndirildiyi casusluq işi üzrə məhkəmə iclasında keçinib.