Məhəmməd Təqi

Məhəmməd ibn Əli ət-Təqi
محمد بن علي الجواد محمد بن علی تقی
Şiələrin 9-cu imamı
818 – 835
Əvvəlki	İmam Rza
Sonrakı	İmam Nəqi
Şəxsi məlumatlar
Doğum tarixi	12 aprel 811(0811-04-12)
Doğum yeri	Mədinə
Vəfat tarixi	835
Vəfat yeri	Kazimeyn, İraq
Vəfat səbəbi	zəhər[d]
Dəfn yeri	Kazımiyyə məscidi[d]
Fəaliyyəti	ilahiyyatçı, dini rəhbər[d], imam
Atası	Əli ibn Musa
Uşağı	oğulları: Əli
Dini	İslam
Vikianbarda əlaqəli mediafayllar

Məhəmməd ibn Əli ət-Təqi (ərəb. محمد الجواد‎; İmam Cavad, İmam Təqi; 12 aprel 811, Mədinə, Hicaz, Abbasilər xilafəti – 25 noyabr 835, Kazımiyyə, Bağdad, Abbasilər xilafəti) — On iki imam şiəliyinin doqquzuncu imamı.

Atası On iki imam şiələrinin imamı olan Əli ibn Musa ər-Rzadır. Məhəmməd Cavadın künyəsi "Əbu Cəfər", məşhur ləqəbləri "Təqi" və "Cavad"dır. Hicri 195-ci ilin ramazan ayında Mədinə şəhərində dünyaya göz açmışdır. Təbərsi isə onun həmin ilin rəcəb ayının 15-də dünyaya gəldiyini qeyd etmişdir. Məsudi, İrbili, İbn Xəşşab, İbn Şəhraşub, İbn Fəttal isə onun doğum tarixini Ramazan ayının 19-u olaraq qeyd etmişlər. Anasının adı Səbikədir. Səbikə Məhəmmədin həyat yoldaşı olan Mariya Qibtiyyənin nəslindəndir.

Oğlan övladlarından biri Əli (Hadi) və digəri isə Musadır, qız övladları isə Fatimə və Ümamə olmuşdur.

Hicri 220-ci ildə 25 yaşında dünyadan köçmüşdür. Bağdadın Qureyş məzarlığında babası Kazımın yanında dəfn edilmişdir.

Onun dini liderlik dövrü 2 Abbasi xəlifəsinin-Məmunun (h.193-218) və Mötəsimin (h.218-227) hakimiyyəti dövrünə təsadüf edir. Hər iki Abbasi xəlifəsi Məhəmməd Cavadı məcburi şəkildə nəzarət altında saxlamaq üçün Mədinədən Bağdada gətirmişdi.

Hicri 218-ci ildə Məmun vəfat edir və onun qardaşı mötəsim xəlifə olur. Bağdad qazısı İbn Əbu Duadın Mötəsimi Məhəmməd Cavada qarşı tədbir görməyə sövq etməsi ilə Məhəmməd Cavadı öldürmək fikrində düşür və Cavadı vəzirlərindən birinin katibi vasitəsilə zəhərləyir.