Monir Vəkili

Monir Vəkili
fars. منیر وکیلی‎
Ümumi məlumatlar
Doğum tarixi	19 dekabr 1923(1923-12-19)
Doğum yeri	Təbriz, Şərqi Azərbaycan ostanı, İran
Vəfat tarixi	28 fevral 1983(1983-02-28) (59 yaşında)
Vəfat yeri	Vallon Brabantı, Valloniya, Belçika
Vəfat səbəbi	yol-nəqliyyat hadisəsi
Dəfn yeri	Per-Laşez qəbiristanlığı
Musiqiçi məlumatları
Fəaliyyəti	incəsənət xadimi, opera müğənnisi, musiqi direktoru[d], televiziya prodüseri[d]
Fəaliyyət illəri	1958–1983
Janr	opera
Səs tembri	soprano
Təhsili	Paris Konservatoriyası
monirvakili.com
Vikianbarda əlaqəli mediafayllar

Monir Vəkili (fars. منیر وکیلی‎, 19 dekabr 1923, Təbriz – 28 fevral 1983, Vallon Brabantı, Valloniya)— Azərbaycanəsilli İranlı müğənni. O, soprano səsə malik olmuşdur və İran xalq musiqisini İranda və xaricdəki səhnələrdə tanıdan ilk müğənni hesab edilir.

Monir Vəkili 19 dekabr 1923-cü ildə Təbrizdə anadan olmuşdur. Onun ailəsi musiqipərəst idi. Atası hələ kiçik yaşlarda Monirdə opera musiqisinə maraq yaratmış və onu xaricə təhsil alması üçün cəsarətləndirmişdi. O Parisdə konservatoriyada musiqi, Bostonda Yeni İngiltərə Konservatoriyasında isə opera təhsili almışdır (1960–61). Monir Vəkili Əbdül Məcid Məcidli ilə ailə həyatı qurmuş, bu evlilikdən 2 qızı dünyaya gəlmişdir. Sənətçi 1983-cü ildə Belçikada avtomobil qəzasında vəfat etmişdir.

Monir Vəkili Rudaki səhnəsində bir çox rollarda çıxış etmişdir. O, 1955–1957-ci illərdə Tehran Milli Musiqi konstervatoriyasının solisti olmuşdur. 1955–1956-cı illərdə isə Fransız institutu və Rumınya səfirliyinin hazırladığı yaradıcılıq gecələrində çıxış etmişdir. Onun ən böyük məqsədi ölkəsini beynəlxalq arenada tanıtmaq idi.

Təhsilini tamamlayıb İrana qayıdan sənətçi 1975-ci ildə İranın ilk rəsmi operasını yaratmışdır. 1951-ci ildə Monir Vəkili Berlin Gənclik Festivalında iştirak edərək qalib oldu və 1975-ci ildə "Füruğ Farruxzad" mükafatına layiq görüldü. 1958-ci ildə onun "İranlıların musiqi və rəqsləri" adlı albomu işıq üzü görmüşdür.

• Musiqi
• Opera
• İran musiqisi