Məmmədxan Məmmədxanov

Məmmədxan Məmmədxanov
Karyagin Qəza İnqilab Komitəsinin sədri
Naxçıvan MSSR Xalq Komissarları Sovetinin sədri
Şəxsi məlumatlar
Doğum tarixi	1884(1884)
Doğum yeri	Qoçəhmədli, Cəbrayıl qəzası, Yelizavetpol quberniyası, Rusiya imperiyası
Vəfat tarixi	1938(1938) (53–54 yaşında)
Vəfat yeri	Bakı, Azərbaycan SSR, SSRİ
Vəfat səbəbi	siyasi repressiya
Partiya	Rusiya Sosial Demokrat Fəhlə Partiyası, Sovet İttifaqı Kommunist Partiyası
Fəaliyyəti	siyasətçi

Məmmədxan Məmmədxan oğlu Məmmədxanov (1884, Qoçəhmədli, Yelizavetpol quberniyası – 1938, Bakı) — Azərbaycanın ictimai və siyasi xadimi. Qaryagin qəzası İcraiyyə Komitəsinin sədri.

Məmmədxan Məmmədxan oğlu 1884-cü ildə Cəbrayıl qəzasının Qoçəhmədli kəndində doğulmuşdu.Qarğabazar kənd məktəbində oxumuşdu. 1902-ci ildə Bakıda neft mədənlərində işləmişdi. 1905–1907-ci il inqilabında iştirak etmişdi. Bakı proletariatının 1914-cü il yay tətilinə qatılmışdı. 1917–1919-cu illərdə Qaryagin qəzasında Qırmızı qvardiyanın tərkibində əksinqilabçılara qarşı vuruşmuş, partiya özəklərinin yaradılmasında iştirak etmişdi. Qaryagin qəza partiya komitəsinin sədri, AK(b)P-nin 1-ci qurultayına nümayəndə seçilmişdi. 1920-ci ildə MK-ya üzvi olmuşdu. Sovet dönəmində məsul vəzifələrdə çalışmışdı. Dəfələrlə partiya və sovet qurultaylarının nümayəndəsi olmuşdu. Azərbaycan KP MK və Azərbaycan MIK-in üzvi seçilmişdi.

Məmmədxan Məmmədxanov 1938-ci ildə repressiyaya uğrayıb.

Məmmədxan Məmmədxanov Qırmızı Bayraq ordeni ilə təltif olunmuşdu.