Nur Camaatı (türk. Nur Cemaati) — Səid Nursinin risalələrində açıqladığı fikirlərə əsaslanan, XX əsrin əvvəllərində yaranmış türkiyəli camaatlıq. Camaatın davamçıları Səid Nursinin risalələrindəki fikirlərə və dünya görüşünə riayət edirlər. "Risaləyi-Nur" məcmuəsinə daxil olan risalələri oxuyana "Nur tələbəsi" deyilir. Hazırda hərəkat "Nur Camaatı" adı ilə də tanınır.
Nur camaatının yayılması
Risaləyi-Nur camaatı hazırda Türkiyədə geniş yayılmışdır. Bundan başqa Azərbaycan, Almaniya, ABŞ, Avstraliya, Özbəkistan, Qazaxıstan, Rusiya, Tatarıstan, Qırğızıstan və s. kimi ölkələrdə də "Risaləyi-Nur"lar oxunur.
1996-cı ildə Diyanət İşləri Başqanlığı tərəfindən açıqlanan hesabatda Nur camaatının qolları və fəaliyyətləri aşağıdakı şəkildə açıqlanmışdır:
- Yazıçılar qrupu (Əhməd Xosrov Altınbaşaq)
- Sözlər qrupu (Mustafa Sunqur)
- Süffə qrupu (Mehmed Qırxıncı)
- İstanbul qrupu (Abdullah Yeğin, Hüsnü Bayram, Əhməd Aytimur)
- Qurdoğlu qrupu (Mehmed Kurdoğlu)
- İxlas Nur qrupu (M. Səid Özdəmir)
- Nəsil qrupu (Mehmed Fırınçı)
- Yeni Asiya qrupu (Yeni Asiya qəzeti, Mehmed Qutlular)
- Zəhra qrupu (İzzəddin Yıldırım)
- Məd-Zəhra qrupu (Məhəmməd Siddiq Dursun)
Kateqoriyalar:
- İslam təriqətləri
- Nəqşibəndilik
- İslamizm