Ofelya Sənani

Ofeliya Sənani
Ofeliya Sənani
Doğum tarixi	26 may 1941 (85 yaş)
Doğum yeri	Bakı, Azərbaycan SSR, SSRİ
Həyat yoldaşı	Valid Sənani;
Fəaliyyəti	televiziya aparıcısı, aktrisa
Mükafatları

Ofeliya Hacağa qızı Sənani (26 may 1941, Bakı) — televiziya aparıcısı, aktrisa, Azərbaycan Respublikasının xalq artisti (1991). Azərbaycan Respublikası Prezidentinin fərdi təqaüdüçüsü.

Həyatı

Ofeliya Sənani Azərbaycan Dövlət Universitetini bitirmişdir (1966). Gültəkin Cabbarlının yetirməsidir. Teleradio Verilişləri Şirkətinin diktorudur. 1959–1975 illərdə radioda işləmiş, bir sıra radio tamaşalarında baş rollarda çıxış etmişdir. 1975-ci ildən televiziyada fəaliyyət göstərir. 1960–1990-cı illərdə eyni zamanda "Azərbaycanfilm" kinostudiyasının dublyaj şöbəsində işləmiş, 100-dən artıq filmin baş qəhrəmanlarını səsləndirmişdir. Kinofilmlərdə də çəkilmişdir ("Dağlarda döyüş", "Ulduzlar sönmür" bədii filmləri, "Bakı bulvarı", "Mücrü" və s. televiziya filmləri).

2002-ci ildən prezident təqaüdçüsü olub. 2026-cı ildə sənətkarın 85 illik yubileyi münasibətilə Azərbaycan Dövlət Film Fondunda yaradıcılıq gecəsi keçirilmişdir.

Ssenarist Valid Sənaninin həyat yoldaşıdır.

Filmoqrafiya

Dağlarda döyüş (film, 1967)
Sahil bağı (film, 1967)
O qızı tapın (film, 1970)
Yeddi oğul istərəm... (film, 1970)
Gün keçdi (film, 1971)
Ulduzlar sönmür (film, 1971)
Var olun, qızlar... (film, 1972)
Skripkanın sərgüzəşti (film, 1972)
Mücrü (film, 1973)
Tütək səsi (film, 1975)
Ürək... Ürək... (film, 1976)
Arxadan vurulan zərbə (film, 1977)
Qayınana (film, 1978)
Dantenin yubileyi (film, 1978)
Anın quruluşu (film, 1980) (tammetrajlı bədii film) – rol: sərnişin