Oleq Əmirbəyov

Oleq Əmirbəyov
Oleq Arnoldoviç Əmirbəyov
Doğum tarixi	16 dekabr 1986 (39 yaş)
Doğum yeri	Bakı, Azərbaycan SSR
Milliyyəti	azərbaycanlı
Vətəndaşlığı	Monteneqro Azərbaycan
Həyat yoldaşı	Fidan Əmirbəyova
Atası	Arnold Xarçenko
Anası	Rita Əmirbəyova
Fəaliyyəti	Aktyor, teleaparıcı,
Fəaliyyət illəri	2010–h.h.
Təhsili	Azərbaycan Dövlət Mədəniyyət və İncəsənət Universiteti
Mükafatları	2021

Oleq Əmirbəyov (tam adı: Oleq Arnoldoviç Əmirbəyov ; d. 16 dekabr 1986, Bakı, Azərbaycan SSR, SSRİ) — Azərbaycan teatr və kino aktyoru, televiziya aparıcısı, jurnalist, Azərbaycanın əməkdar artisti (2021). Azərbaycan Dövlət Akademik Rus Dram Teatrının direktoru (2026).

Oleq Arnoldoviç Əmirbəyov 16 dekabr 1986-cı ildə Bakı şəhərində Azərbaycanın əməkdar artistləri Arnold Xarçenko və Rita Əmirbəyovanın ailəsində anadan olmuşdur. 2009-cu ildə Azərbaycan Dövlət Mədəniyyət və İncəsənət Universitetini dram rejissorluğu ixtisası ilə bitirmişdir. 2010-cu ildən bəri Səməd Vurğun adına Azərbaycan Dövlət Rus Dram Teatrında işləyir. O, həmçinin «AzTv» və «Mədəniyyət» kanallarında televiziya aparıcısı olaraq çalışmışdır. Buna əlavə olaraq, Əmirbəyov 2008-2009-cu illərdə «Mir» telekanalının müxbiri vəzifəsində çalışmışdır. 14 fevral 2026-cı ildə mədəniyyət naziri müvafiq əmri ilə Oleq Əmirbəyov Azərbaycan Dövlət Akademik Rus Dram Teatrının direktoru vəzifəsinə təyin olunub.

17 mart 2021-ci ildə Azərbaycan Respublikasının əməkdar artisti fəxri adına layiq görülmüşdür.

1. Sübhün səfiri (film, 2012)
2. Ən sadə soyad (film, 2012)
3. Ağabəyovlar (film, 2012-2014)
4. Mən evə qayıdıram (film, 2014)
5. Tağıyev. Çar (film, 2025)