Qahirə Universiteti

Qahirə Universiteti
جامعة القاهرة
Əsası qoyulub	1908
Tələbə sayı	207.853
Ölkə	Misir
Sayt	cu.edu.eg
30°01′39″ şm. e. 31°12′36″ ş. u.HGYO
Vikianbarda əlaqəli mediafayllar

Qahirə Universiteti (ərəb. جامعة القاهرة‎) — Misirin paytaxtı Qahirədə fəaliyyət göstərən ali təhsil müəssisəsi.

Qahirə Universiteti 1908-ci ilin dekabrında yaradılmışdır. Bu zaman Misirin bəzi dövlət xadimləri gəlmiş və həmin gün axşam universitetdə tədrisə başlanmışdır. O vaxtlar universitetin daimi iqamətgahı olmamış və mühazirələrin vaxtları gündəlik mətbuat vasitəsilə elan olunmuşdur.

Həmin vaxtlarda Qahirə Universiteti formalaşmaq üçün ciddi mübarizə aparmış və öz tələbələrini aspirantura təhsili üçün Avropaya göndərmişdir. Daha sonra bu tələbələr müasir elmləri tədris etmək üçün Misirə qayıtmışlar.

1925-ci ildə universitetdə yalnız 4 fakültə olmuşdur.

1928-ci ildə universitetə bəzi ali məktəblər də qoşulmuş və onlar kənd təsərrüfatı, həndəsə, ali ticarət, baytarlıq məktəbləri olmuşdur. Bu tarixdən sonra universitet Cizədəki hazırkı binaya köçürülmüşdür.

1953-cü ildə Misir Universitetinin adı dəyişdirilərək Qahirə Universiteti adlandırılmışdır.

Universitetdə mühəndislik, əczaçılıq, baytarlıq, kənd təsərrüfatı (aqrar), hüquq, Dərul-Ülum və ticarət (kommersiya) fakültələri mövcuddur.

Şövqi Dayf, Ömər Şərif və Ehsan Abbas bu ali təhsil ocağından məzun olmuş şəxslərdən bəziləridir.

Qahirə Universiteti Misirin 1-ci, Afrikanın 2-ci, dünyanın isə 221-ci ən yaxşı universiteti hesab olunur.

• Əl-Əzhər Universiteti