Quşçu (Şamaxı)

Quşçu
40°26′14″ şm. e. 48°44′21″ ş. u.HGYO
Ölkə	Azərbaycan
Region	Dağlıq Şirvan iqtisadi rayonu
Rayon	Şamaxı rayonu
Bələdiyyə	Quşçu bələdiyyəsi
Əhalisi
Əhalisi	4.800 nəf.
Xəritəni göstər/gizlə Quşçu

Quşçu — Azərbaycan Respublikasının Şamaxı rayonunun Quşçu kənd inzibati ərazi dairəsində kənd. Kənd Şamaxı rayonunun Quşçu bələdiyyəsinə aiddir.

Oykonim türkdilli quşçu tayfasının adı ilə bağlıdır. Tədqiqatçıların fikrincə, Azərbaycan ərazisində bu tayfanın məskunlaşması nəticəsində yaranmış bir sıra başqa toponimlər vardır: Quşçu dağı (Şamaxı və Daşkəsən rayonları), Quşçu yol ayrıcı (Laçın rayonu), Quşçu qalası dağı (Laçın rayonu), Quşçular dağı (Xocavənd rayonu, Dağdöşü kəndi), Quşçunun yalı (Gədəbəy rayonu, Göyəli kəndi). Eyni zamanda bu topokomponent Orta Asiya (xüsusilə Türkmənistan), Ermənistan, Gürcüstan, Şimali Qafqaz, Türkiyə və Cənubi Azərbaycan ərazisində də yayılmışdır. Ermənistan ərazisindəki quşçu etnonimi ilə bağlı yer adları (sonuncu 1946-cı ildə ləğv olunub) dəyişdirilmişdir. XIX əsrdə Qafqazda quş komponentli 38 toponim qeydə alınmışdır. Quşçu etnonimi ilə bağlı toponimlərin erkən orta əsrlərdə meydana çıxması güman edilir.

Kənd Ləngəbiz silsiləsinin yamacında yerləşir.

1919-cu il tarixində ermənilər tərəfindən 600 evlik Quşçu kəndində 192 kişi, 115 qadın, 25 uşaq öldürülmüşdür.

Hazırda əhali sayına görə rayonun ikinci böyük kəndidir.

Kənd əhalisi 4800 nəfərdir ki, onunda 2460 nəfəri kişi, 2340 nəfəri isə qadınlar təşkil edir.

Əhali əsəsən kənd təsərrüfatı, əkinçilik və maldarlıqla məşğul olur.

• Quşçu tayfası