Rübabə Muradova

Rübabə Muradova
Ümumi məlumatlar
Doğum adı	Rübabə İşraqi
Doğum tarixi	22 mart 1933
Doğum yeri	Ərdəbil, İran
Vəfat tarixi	28 avqust 1983 (50 yaşında)
Vəfat yeri	Bakı, Azərbaycan SSR, SSRİ
Dəfn yeri	Yasamal qəbiristanlığı
Vətəndaşlığı	İran→ SSRİ
Musiqiçi məlumatları
Fəaliyyəti	müğənni
Fəaliyyət illəri	1954—1983
Janr	opera
Musiqi aləti	vokal
Səs tembri	messosoprano
Təhsili	Asəf Zeynallı adına Musiqi Məktəbi (1951–1955)
Mükafatları	1971 1959

Rübabə Xəlil qızı Muradova (22 mart 1933, Ərdəbil – 28 avqust 1983, Bakı) — Azərbaycan müğənnisi (mezzo-soprano), Azərbaycan SSR xalq artisti (1971).

Rübabə Muradova 22 mart 1933-cü ildə İranın Ərdəbil şəhərində anadan olmuşdur. Az müddət Sabirabad Dövlət Dram Teatrında işləyib. Ələsgər Ələkbərov təsadüfən onu görüb Bakıya Filarmoniyaya dəvət etmişdir. 1951–1955-ci illərdə A. Zeynallı adına Bakı Musiqi Məktəbində (Seyid Şuşinskinin sinfində) təhsil almışdır. 1954-cü ildən ömrünün sonuna kimi Azərbaycan Dövlət Opera və Balet Teatrında əvvəlcə solist, sonra məşqçi-pedaqoq olmuşdur,.

28 avqust 1983-cü ildə qaraciyər serozundan Bakıda vəfat edib və Yasamal qəbiristanlığında dəfn edilib.

Əsas partiyaları: Leyli ("Leyli və Məcnun" – Üzeyir Hacıbəyov), Əsli ("Əsli və Kərəm" – Üzeyir Hacıbəyov), Xanəndə qız ("Koroğlu" — Üzeyir Hacıbəyov), Ərəbzəngi ("Şah İsmayıl" – Müslüm Maqomayev), Şahsənəm ("Aşıq Qərib" – Zülfü Hacıbəyli), Sənəm ("Gəlin qayası" – Ş. Axundova).

• "Azərbaycan SSR xalq artisti" fəxri adı — 29 aprel 1971
• "Azərbaycan SSR əməkdar artisti" fəxri adı — 6 noyabr 1956
• "Şərəf nişanı" ordeni — 9 iyun 1959

• Muğamlar (film, 1965)
• Ölümdən 24 saat əvvəl (veriliş, 2007)
• Rübabə Muradova (film, 2007)
• Üzeyir ömrü (film, 1981)