Rəşidə Bayar

Rəşidə Bayar
Rəşidə Bayar
	Reşide Bayar
Türkiyə Respublikasının birinci xanımı
	22 may 1950 – 27 may 1960
Prezident	Cəlal Bayar
Əvvəlki	Məvhibə İnönü
Sonrakı	Məlahət Gürsəl
Şəxsi məlumatlar
Doğum adı	Reşide Refet
Doğum tarixi	12 yanvar 1886
Doğum yeri	Bursa, Xudavəndigar vilayəti, Osmanlı imperiyası;
Vəfat tarixi	24 dekabr 1962 (76 yaşında)
Vəfat yeri	Ankara, Türkiyə;
Vəfat səbəbi	ürək tutması
Dəfn yeri	Cəbəci Əsri qəbiristanlığı;
Fəaliyyəti	siyasətçi
Həyat yoldaşı	Cəlal Bayar (1903–1962);
Uşaqları	Nilufər Gürsoy;

Rəşidə Bayar (türk. Reşide Bayar; 12 yanvar 1886, Bursa, Xudavəndigar vilayəti – 24 dekabr 1962, Ankara) — Türkiyənin 3-cü prezidenti Cəlal Bayarın həyat yoldaşı.

Həyatı

Rəşidə Bayar 12 yanvar 1886-cı ildə Bursada anadan olub. Atası İnegölün tanınmış və varlı şəxslərindən olan Refet Bəy olub. O, 1903-cü ildə gələcəkdə ardıcıl üç müddət prezident vəzifəsində çalışan Cəlal Bayarla evlənib. Rəşidə Bayarın Cəlal Bayar ilə evliliyindən Rəfii (1904-1940), Turqut (1911-1983) və Nilüfər (1921-2024) adlı üç övladı var idi. İlk övladı Rəfii revmatik ürək xəstəliyindən vəfat edib. Qızı Nilufər Gürsoy sonradan Türkiyənin məşhur filoloqu və siyasətçisi olub. O, 1965–1969, 1973–1980-ci illərdə parlamentdə çalışıb və Türkiyə Böyük Millət Məclisinin üzvü olub.

Rəşidə Bayarın həyat yoldaşı Cəlal Bayar 22 may 1950-ci ildə prezident seçildi. Bundan sonra Rəşidə xanım Türkiyənin birinci xanımı oldu. 1954 və 1957-ci illər seçkilərinin sonunda Cəlal Bayar yenidən prezident oldu və 27 May çevrilişinə (1960) qədər bu vəzifədə qaldı. Yalnız 27 May çevrilişindən sonra Rəşidə Bayar da titulunu itirdi.

Rəşidə Bayar 24 dekabr 1962-ci ildə İstanbuldan Ankaraya gedərkən qatarda infarkt keçirərək vəfat edib. O, Ankarada Cəbəci Əsri qəbiristanlığında dəfn edilib.