Rəfael Allahverdiyev

Rafael Allahverdiyev
Rafael Allahverdiyev
Azərbaycan Respublikasının Milli Məclisinin I və II çağırış deputatı
	12 noyabr 1995 – 2004
Seçki dairəsi	1995, 2000 — 25 saylı Nərimanov ikinci
Əvvəlki	vəzifə təsis edildi
Sonrakı	vəzifə ləğv edildi
Yeni Azərbaycan Partiyasının sədr müavini
	21 noyabr 1992 – 21 noyabr 2001
Sədr	Heydər Əliyev
Bakı Şəhər İcra Hakimiyyətinın başçısı
	3 iyul 1993 – 16 oktyabr 2000
Əvvəlki	Rauf Gülməmmədov
Sonrakı	Hacıbala Abutalıbov
Azərbaycan SSR Ali Sovetinin XI çağırış deputatı
	1985 – 1990
Seçki dairəsi	46 nömrəli Çapayev
Əvvəlki	vəzifə təsis edildi
Sonrakı	vəzifə ləğv edildi
Azərbaycan Kommunist Partiyası Nərimanov Rayon Komitəsinin birinci katibi
	1983 – 1988
Şəxsi məlumatlar
Doğum tarixi	9 may 1945
Doğum yeri	Bakı, Azərbaycan SSR, SSRİ;
Vəfat tarixi	11 yanvar 2009 (63 yaşında)
Vəfat yeri	Bakı, Azərbaycan;
Vəfat səbəbi	beyin xərçəngi[d]
Partiya	Sovet İttifaqı Kommunist Partiyası (1991-ci ilədək),; Yeni Azərbaycan Partiyası (1992–2004);
Təhsili	Azərbaycan Milli Elmlər Akademiyası;
Fəaliyyəti	siyasətçi
Təltifləri

Rəfael Xanəli oğlu Allahverdiyev (9 may 1945, Bakı – 11 yanvar 2009, Bakı) — Bakı Şəhər İcra Hakimiyyətinin başçısı (1993–2000), Azərbaycan Respublikasının Milli Məclisinin I və II çağırış deputatı, Yeni Azərbaycan Partiyasının sədr müavini, Azərbaycan SSR Ali Sovetinin XI çağırış deputatı, Azərbaycan Kommunist Partiyası Nərimanov Rayon Komitəsinin birinci katibi.

Həyatı

1945-ci il mayın 9-da Bakı şəhərində anadan olmuşdur. Moskva İctimai Elmlər Akademiyasının mətbuat işçiləri fakültəsini və Bakıdakı Qərb Universitetinin xarici iqtisadi əlaqələr fakültəsini bitirmişdir.

İşgüzar inzibatçılıq üzrə magistr olmuşdur. Rus dilini bilirdi. Evlidir, 3 övladı var.

2004-cü ildən İsveçrədə yaşayırdı. 2009-cu il yanvarın 11-də Bakıda vəfat edib.

Siyasi fəaliyyəti

1971–1983-cü illərdə Azərbaycan Kommunist Partiyası Mərkəzi Komitəsində işləyib. 1983–1988-ci illərdə Nərimanov Rayon Partiya Komitəsinin birinci katibi olub. Yeni Azərbaycan Partiyasının qurucularındandır.

1993–2000-ci illərdə Bakı Şəhər İcra Hakimiyyətinin başçısı vəzifəsində çalışıb.

1992-ci ilin noyabr ayından Yeni Azərbaycan Partiyası sədrinin müavini olmuşdur. Birinci və ikinci çağırış Azərbaycan Respublikası Milli Məclisinin deputatı olmuşdur. 2000-ci il noyabrın 5-də 25 saylı Nərimanov ikinci seçki dairəsindən deputat seçilmişdir. Milli Məclisin Regional məsələlər daimi komissiyasının üzvü olmuşdur.

O, 2004-cü ildə İsveçrəyə mühacirət edərək deputat mandatından imtina etmişdir. Elə həmin il o Yeni Azərbaycan Partiyası üzvlüyündən çıxarılmışdır.