Rəhilə Orucova

Rəhilə Orucova
Şəxsi məlumatlar
Doğum tarixi	25 sentyabr 1965(1965-09-25)
Doğum yeri	Ermənistan SSR, SSRİ
Vəfat tarixi	11 may 1992(1992-05-11) (26 yaşında)
Vəfat yeri	Şıxarx, Ağdərə rayonu, Azərbaycan
Dəfn yeri	Şəhidlər Xiyabanı
Dəfn tarixi	13 may 1992
Təhsili	1 nömrəli Bakı Tibb Kolleci
Hərbi fəaliyyəti
Döyüşlər	Birinci Qarabağ müharibəsi

Rəhilə Əli qızı Orucova (25 sentyabr 1965, Ermənistan SSR – 11 may 1992, Şıxarx, Ağdərə rayonu) — Birinci Qarabağ müharibəsi iştirakçısı, şəhid. Şəhidlər Xiyabanında dəfn olunmuş ilk azərbaycanlı qadın döyüşçü.

Rəhilə Orucova 1965-ci il sentyabrın 25-də Göyçə mahalında anadan olmuşdur. 1973-cü ildən 1978-ci ilədək Ağstafa rayonunda oxumuş, oradakı təhsilini bitirdikdən sonra 1979-cu ildən 1981-ci ilədək təhsilini 109 nömrəli məktəbdə davam etdirmişdir.

1981-ci ildə 1 nömrəli Bakı Tibb məktəbinə daxil olmuş, texnukomu bitirdikdən sonra əvvəlcə Bakı Təcili Yardım xəstəxanasının reanimasiya şöbəsində, sonra isə Qədirli adına Baş Hövsə xəstəxanasında fəaliyyətə başlamışdır.

Rəhilə Orucova Milli Orduya könüllü yazılmışdır. Ön cəbhədə həm könüllü tibb bacısı kimi, həm də sıravi əsgər kimi vuruşmuşdur. 1992-ci il mayın 11-də Ağdərə rayonunun Leninavan kəndi uğrunda döyüşdə şəhid olmuşdur. May ayının 13-də Şəhidlər Xiyabanında dəfn olunmuşdur. Burada dəfn olunmuş ilk azərbaycanlı qadın döyüşçüdür.

1992-ci il sentyabr ayında 109 nömrəli məktəbə şəhid Rəhilə Orucovanın adı verilmişdir və həyətində büstü qoyulmuşdur.

Nizami rayonunda adına bulaq var.

• Gültəkin Əsgərova