Süleyman Stalski

Süleyman Stalski
Süleyman Stalski
	ləzg. СтӀал Сулейман
Doğum adı	Süleyman Həsənbəyov
Doğum tarixi	18 may 1869
Doğum yeri	Aşağı Stal kəndi, Dağıstan vilayəti, Rusiya imperiyası
Vəfat tarixi	23 noyabr 1937 (68 yaşında)
Vəfat yeri	Mahaçqala, Dağıstan MSSR, SSRİ
Fəaliyyəti	şair
Əsərlərinin dili	ləzgi və Azərbaycan dilləri
İstiqamət	Sosialist realizmi
Janrlar	şeir, poema, pyes
İlk əsəri	Bülbül (1900)
Mükafatları
	Vikianbarda əlaqəli mediafayllar

Süleyman Stalski (əsl soyadı: Həsənbəyov, ləzg. СтӀал Сулейман, rus. Сулейман Стальский; 18 may 1869, Aşaqa-Stal^[d], Dağıstan vilayəti – 23 noyabr 1937, Mahaçqala, Dağıstan Muxtar Sovet Sosialist Respublikası) — ləzgi şairi, XX əsrin ən məşhur Dağıstan şairlərindən biri. O, əsərlərini ləzgi və Azərbaycan dillərində yazmışdır.

Həyatı

Stal Süleyman sovet ləzgi poeziyasının əsasını qoymuş ləzgi xalqının böyük şairidir. O, 1869-cu ildə Dağıstanın Kürə vilayətinin Aşağı Stal kəndində yoxsul kəndli ailəsində anadan olmuşdur. Uşaq vaxtı yetim olmuş şair, uzun illər çörək qazanmaq üçün qürbətdə olmuşdur. Bakıda neft mədənlərində, Səmərqənddə dəmir yolunda işləmiş, varlı adamların qapısında nökərlik etmişdir.

S.Süleyman poeziyaya özünəməxsus yenilik gətirmişdir. Şer yazmağa orta yaşlarında başlamışdır. İlk dəfə “Bülbül” şerini 1900-cü ildə yazmışdır. Onun şerləri qəzetlərdə çap olunmuş, 1927-ci ildə Moskvada nəşr olunan “Ləzgi şairlərinin seçilmiş əsərləri” kitabına şerləri daxil edilmişdir. İlk kitabı olan “Seçilmiş əsərləri” 1934-cü ildə çıxmışdır. Bundan sonra o, Dağıstan Xalq şairi adına layiq görülmüşdür. Fəal yaradıcılığına görə şairə lenin ordeni verilmişdir.

Stal Süleyman 1937-ci ildə vəfat etmişdir.

1957-ci ildə Bakı Kinostudiyasında Rza Təhmasib və Mikayıl Mikayılovun çəkdikləri "Mahnı belə yaranır" filmi Süleyman Stalskinin həyat və yaradıcılığından, ictimai fəaliyyətindən bəhs edir.

Həmçinin bax

Mahnı belə yaranır (film, 1957)