Seyfəddin Dağlı

Seyfəddin Dağlı
Seyfəddin Dağlı
Doğum adı	Seyfəddin Abbasov
Təxəllüsü	Dağlı
Doğum tarixi	27 avqust 1921
Doğum yeri	Xızı, Quba qəzası, Azərbaycan SSR;
Vəfat tarixi	18 yanvar 1983 (61 yaşında)
Həyat yoldaşı	Gülarə Cabbarlı
Uşağı	3
Fəaliyyəti	yazıçı, ssenarist
Əsərlərinin dili	azərbaycanca
Mükafatları

Abbasov Seyfəddin Əliağa oğlu (Seyfəddin Dağlı) (27 avqust 1921, Xızı, Quba qəzası – 18 yanvar 1983) — Azərbaycan yazıçısı, şair, dramaturq, jurnalist, Əməkdar incəsənət xadimi.

Həyatı

Seyfəddin Dağlı 1921-ci avqustun 27-də Xızıda doğulub. Bir müddət "Kommunist" və "Ordu" qəzetlərində müxtəlif vəzifələrdə çalışıb. Dövlət Radio Komitəsində baş redaktor (1956–1959), sonra Bakı Telestudiyasının direktoru və sədr müavini vəzifələrində çalışıb. Uzun müddət "Kirpi" jurnalının baş redaktoru olub. "Azərbaycanfilm" kinostudiyasında ssenari redkollegiyasının üzvü, "Yazıçı" nəşriyyatında redaktor vəzifəsində çalışıb. 1948-ci ildə "Dəniz kəşfiyyatçısı" adlı kitabı nəşr edilib. "Adı sənin, dadı mənim", "Aydınlığa doğru", "Mənziliniz mübarək", "Təzə gəlin", "Kölgələr pıçıldaşır" pyesləri, "Bahar oğlu", "Məşəl", "Kəcil qapısı", "Sabiqlər" və sair kitabları geniş oxucu kütləsinin rəğbətini qazanıb.

Yazıçı Seyfəddin Dağlı 1983-cü il yanvarın 18-də vəfat edib.

Mükafatları

Azərbaycan SSR Ali Sovetinin Fəxri Fərmanı — 26.08.1981
Azərbaycan Ssri Əməkdar İncəsənət Xadimi

Filmoqrafiya

Onun bəlalı sevgisi (film, 1980)
Qayınana (film, 1978)
Adı sənin, dadı mənim (film, 1980) (tammetrajlı televiziya tamaşası) (Aztv)
Gecəniz xeyrə qalsın (film, 1977)
Kommunist (film, 1969)
Solmaz bir bahar kimi (film, 1979)

İrsi

Bakı şəhərinin Yasamal rayonunda adına küçə var.