Süleyman Dəmirəl

Süleyman Dəmirəl
türk. Süleyman Sami Demirel türk. Süleyman Demirel osman. سلیمان دمیرل
Türkiyə Prezidenti
16 may 1993 – 16 may 2000
Əvvəlki	Turqut Özal
Sonrakı	Əhməd Necdət Sezər
Türkiyənin Baş naziri
20 noyabr 1991 – 16 may 1993
Əvvəlki	Məsud Yılmaz
Sonrakı	Tansu Çillər
12 noyabr 1979 – 12 sentyabr 1980
Əvvəlki	Bülənt Əcəvit
Sonrakı	Bülənd Ulusu
21 iyul 1977 – 5 yanvar 1978
Əvvəlki	Bülənt Əcəvit
Sonrakı	Bülənt Əcəvit
31 mart 1975 – 21 iyun 1977
Əvvəlki	Mahmud Sadi Irmak
Sonrakı	Bülənt Əcəvit
27 oktyabr 1965 – 26 mart 1971
Əvvəlki	Suat Hayri Ürgüplü
Sonrakı	Nihad Erim
Doğru Yol Partiyasının sədri
24 sentyabr 1987 – 16 may 1993
Əvvəlki	Hüsamettin Cindoruk[d]
Sonrakı	Tansu Çillər
Şəxsi məlumatlar
Doğum tarixi	1 noyabr 1924(1924-11-01)[…]
Doğum yeri	İslamköy[d], Atabəy[d], İsparta ili, Türkiyə
Vəfat tarixi	17 iyun 2015(2015-06-17)[…] (90 yaşında)
Vəfat yeri	Ankara, Ankara ili, Türkiyə
Vəfat səbəbi	tənəffüs yolları xəstəliyi[d]
Dəfn yeri	Atabəy[d]
Partiya	Ədalət Partiyası[d] (1961–1981), Doğru Yol Partiyası (1987–1993)
Təhsili	İstanbul Texniki Universiteti
Fəaliyyəti	mühəndis, siyasətçi, respublika prezidenti
Həyat yoldaşı	Nəzmiyə Dəmirəl (1948–2013)
Dini	sünnilik
Təltifləri
Vikianbarda əlaqəli mediafayllar

Süleyman Dəmirəl (türk. Süleyman Demirel, 1 noyabr 1924^[…], İslamköy^[d], İsparta ili – 17 iyun 2015^[…], Ankara) — Türkiyə Respublikasının 9-cu prezidenti (1993–2000), müxtəlif dövrlərdə 5 dəfə Türkiyənin baş naziri, siyasi xadimi. AMEA-nın Fəxri üzvü.

1924-cü il noyabr ayının 1-də İsparta şəhərində anadan olub.

1964-cü ildə "Ədalət" partiyasının rəhbəri, 1965-ci ilin fevral ayında baş nazirin müavini və həmin ilin oktyabr ayında baş nazir vəzifələrində çalışmışdır. Onun tələbələrin iğtişaşı, vətəndaş anarxiyası, sol təmayüllü qüvvələrin təbliğatı və siyasi terrorizmə qarşı uğursuz cəhdləri 1971-ci ildə sağ təmayüllü hökumətin istefası ilə nəticələnmişdir.

1975–1980-ci illərdə o, yenidən fasilələrlə koalisyon hökumətin baş naziri vəzifəsində çalışmağa başlamışdır.

1980-ci ildə vətəndaş hərcmərcliyi silahlı çevrilişlə nəticələndiyi zaman (1980–1983) Süleyman Dəmirəl siyasətdən sıxışdırılıb çıxarıldı, 1987-ci ilədək isə siyasətdən tam uzaqlaşdırıldı. 1987-ci ildən o, "Doğruyol" partiyasının rəhbəri seçilmişdir.

1990–1993-cü illərdə Süleyman Dəmirəl yenidən baş nazir təyin olunmuş, 1993–2000-ci illərdə Türkiyə Cümhuriyyətinin Prezidenti seçilmişdir.

Türkiyə Cümhuriyyətinin 9-cu prezidenti Süleyman Dəmirəl 29 oktyabr 1999-cu il tarixdə Azərbaycan Memarlıq və İnşaat Universitetinin fəxri doktoru seçilmişdir.

1 noyabr 2013-cü ildə Türkiyə ilə Azərbaycan arasında dostluq əlaqələrinin möhkəmləndirilməsində xüsusi xidmətlərinə görə Türkiyə Cümhuriyyətinin 9-cu Prezidenti Süleyman Dəmirəl "Şərəf" ordeni ilə təltif edilmişdir.

AMEA-nın Fəxri üzvü idi.

17 iyun 2015-ci ildə vəfat etmişdir.