Səfurə İbrahimova

Səfurə İbrahimova
Digər adı	Safurə İbrahimova
Doğum tarixi	27 dekabr 1938
Doğum yeri	Bakı, Azərbaycan SSR
Vəfat tarixi	21 dekabr 2020 (81 yaşında)
Vəfat yeri	Bakı, Azərbaycan
Dəfn yeri	Yasamal qəbiristanlığı
Vətəndaşlığı	SSRİ→ Azərbaycan
Fəaliyyəti	aktrisa
Fəaliyyət illəri	1960–2005
Təhsili	Azərbaycan Dövlət Teatr İnstitutu
Teatr	Azərbaycan Dövlət Akademik Milli Dram Teatrı
Mükafatları	2002 1984
IMDb	ID1192277

Səfurə (Safurə) Ağabala qızı İbrahimova (27 dekabr 1938, Bakı – 21 dekabr 2020, Bakı) — Azərbaycan kino və teatr aktrisası, Azərbaycan Respublikasının xalq artisti (2002), Azərbaycan SSR dövlət mükafatı laureatı (1984).

Safurə İbrahimova 1938-ci il dekabr ayının 27-də Bakıda anadan olub. 1955-ci ildə 14 saylı orta məktəbi bitirib. 1955–1960-cı illərdə "Stalinneft"də, 44 saylı orta məktəbdə işləyib, dram dərnəyinə gedib. O, 1960-cı ildə Mirzağa Əliyev adına Azərbaycan Dövlət Teatr İnstitutunun dram və kino aktyorluğu fakültəsinə daxil olub. Birinci kursda oxuyarkən Akademik Milli Dram Teatrının repertuarında olan İslam Səfərlinin "Ana ürəyi" dramının tamaşasında Xatirə roluna dəvət edilib. Bundan sonra daha bir neçə rol oynayan tələbə-aktrisa 1961-ci il noyabr ayının 1-də Akademik teatrın truppasına daxil olub. Səfurə İbrahimova 2005-ci ilə qədər bu teatrda işləyib.

1967-ci ildə SSRİ dövründə Novruz bayramı keçirilərkən ilk bahar qızı Səfurə İbrahimova olub. Aktrisa 21 dekabr 2020-ci ildə vəfat edib.

• "Azərbaycan SSR əməkdar artisti" fəxri adı — 1 iyun 1974
• Azərbaycan SSR dövlət mükafatı — 27 aprel 1984 (Mehdi Məmmədovun quruluşunda Hüseyn Cavidin "İblis" faciəsində Rəna rolunun ifasına görə)
• Azərbaycan Respublikası Prezidentinin II dərəcəli mükafatı — 26 iyul 2002
• "Azərbaycan Respublikasının xalq artisti" fəxri adı — 24 dekabr 2002
• Azərbaycan Respublikası Prezidentinin fərdi təqaüdü — 5 iyul 2003

İfa etdiyi əsas rollar