2023 Türkiyə prezident seçkiləri — 14 may 2023-cü ildə Türkiyədə keçirilmiş prezident seçkiləri. Parlament seçkiləri ilə eyni gündə keçirildi. Ərdoğan bir açıqlamasında 1950-ci ildəki seçkilərə istinad edərək seçkilərin vaxtından əvvəl, 14 may 2023-cü ildə keçirilə biləcəyinin mümkünlüyünü açıqlamışdı. Bəzi müxalif partiyalar da bu tarixi seçki günü olaraq qəbul etmişdir. 6 fevral 2023-cü ildə baş verən Türkiyə–Suriya zəlzələsindən sonra seçkilərin keçirilib-keçirilməcəyi barədə suallar yarandı, seçkilərin təxirə salınması barədə çağırışlar oldu. Türkiyə prezidenti Rəcəb Tayyib Ərdoğan tərəfindən 10 mart 2023-cü ildə imzalanan sərəncama əsasən, seçkilərin 14 may 2023-cü ildə keçirilməsi qərarlaşdırıldı. Seçkilər əvvəlcə iyunun 18-də keçirilməli idi, lakin hökumət universitet imtahanları, həcc ziyarəti və yay tətilinin başlaması ilə üst-üstə düşməməsi üçün seçkilərin tarixini bir ay önə çəkdi. Seçkilərin ikinci turu 28 mayda keçirildi.
← 2018  Növbəti → | ||||
| 2023 Türkiyə prezident seçkiləri | ||||
|---|---|---|---|---|
| ||||
| Seçici fəallığı | ||||
 |  | |||
| Namizəd | Rəcəb Tayyib Ərdoğan | Kamal Kılıçdaroğlu | ||
| Partiya | AKP | CHP | ||
| İttifaq | Cümhur İttifaqı | Millət İttifaqı | ||
| Səslər | 27,725,131 (52.16%) | 25,432,951 (47.84%) | ||
 Rəcəb Tayyib Ərdoğan • Kamal Kılıçdaroğlu | ||||
Ümumilikdə Türkiyədə 60,9 milyon, xaricdə isə 3,2 milyon olmaqla, 64 milyon seçicinin seçkilərdə səs vermək hüququ olduğu təxmin edilir.
İlk turda Ərdoğan və Sinan Oğan müvafiq olaraq 49,5% və 5,2% səs topladılar. Kılıçdaroğlu 44,9%, Məhərrəm İncə isə geri çəkilməsinə baxmayaraq 0,4% səs topladı. Ərdoğan səslərin mütləq çoxluğundan 0,5% az səs aldığı üçün Kılıçdaroğlu ilə mayın 28-ində keçiriləcək seçkilərin ikinci turunda mübarizə apardı. Oğan Ata İttifaqının dağılmasının nəticəsi olaraq, 2-ci turda Ərdoğanı, ittifaqın ən böyük partiyası olan Zəfər Partiyasının lideri Ümid Özdağ Kılıçdaroğlunu dəstəklədi. Məhərrəm İncə isə öncədən seçkilər 2-ci tura qaldığı halda, Kamal Kılıçdaroğlunu dəstəkləyəcəyini bildirsə də, sonradan tərəfsiz qalmışdır.
Seçkilərin 2-ci turunda Ərdoğan 27,725,131 seçicinin səsini toplayaraq səslərin 52.16%-ni almış və 3-cü dönəm üçün yenidən prezident seçilmiş, Kılıçdaroğlu isə 25,432,951 səs toplayaraq səslərin 47.84%-ni almış və seçkiləri 2-ci sırada tamamlamışdır.
Arxa plan
2018 seçkiləri
Bundan əvvəlki Türkiyə prezident seçkisi 24 iyul 2018-ci ildə keçirilmişdir. Mübahisəli 2017-ci ildəki konstitusiya referendumu kiçik bir səs fərqi ilə qəbul edildi və ölkə idarəetməsi parlamentar rejimdən prezident respublikasına keçdi. Bu seçkiləri 2014-cü ildən bəri prezident olan hazırkı prezident Rəcəb Tayyib Ərdoğan qazandı. Hakim Ədalət və İnkişaf Partiyası 2015-ci il iyun seçkilərindən sonra ilk dəfə parlamentdəki çoxluğunu itirdi və Milliyətçi Hərəkat Partiyası ilə ittifaq qurmaq məcburiyyətində qaldı.
Tarix
Seçkilərin birinci turu üçün müəyyənləşdirilən tarix 18 iyun idi. Lakin, seçki sistemi tarixin əvvələ alınmasına icazə verdi.
Daha öncədən seçkilərin növbədənkənar olacağına dair spekulyasiyalar mövcud idi, lakin Cümhur İttifaqının ortağı Milliyətçi Hərəkat Partiyasının sədri Dövlət Baxçalı bunları təkzib etmişdi. Seçkilərin 2023-cü ildən əvvəl keçirilməyəcəyini bildirmişdi. Həmçinin, o, Ədalət və İnkişaf Partiyası ilə Milliyətçi Hərəkat Partiyası arasındakı mövcud ittifaqın pozulmayacağını və prezidentliyə vahid namizədlərinin Rəcəb Tayyib Ərdoğanın olacağını qeyd etmişdir.
Növbədənkənar seçkilərlə bağlı mübahisələr
2023-cü ilin yanvar ayında Ədalət və İnkişaf Partiyası seçkilərin vaxtından əvvəl, 16 və 30 apreldə, ya da 14 mayda keçirilə biləcəyindən bəhs etdi. Buna baxmayaraq, 6 müxalif partiyadan ibarət Altılı Masa 6 apreldən sonra növbədənkənar seçkilərə getməyəcəyini elan etdi. Ərdoğan 1950-ci ildəki seçkilərdə Demokrat Partiyanın Cümhuriyyət Xalq Partiyasını məğlub etməsini istinad edərək seçkilərin 14 mayda keçiriləcəyini açıqladı. Altılı Masa parlamentin təsdiqi olmadan Ərdoğanın namizəd ola bilməyəcəyini bildirmişdir.
Seçki tarixinin ertələnməsi ilə bağlı mübahisələr
6 fevral 2023-cü ildə ölkədə baş verən zəlzələdən sonra Ərdoğan zəlzələdən təsirlənən 10 ildə 3 aylıq, 14 maydakı seçkilərdən 1 həftə öncə bitəcək fövqalədə vəziyyət elan etdi. Müxalifət TBMM-də bu qərarın əleyhinə səs verdi. Hakim partiyadan baş nazirin sabiq müavini Bülənt Arınc seçkilərin may və ya iyun ayında keçiriləməyəcəyini və seçkilərin ertlələnməsinin zəruri olduğunu qeyd etmişdir. Ədalət və İnkişaf Partiyasının sözçüsü Ömər Çelik isə Arıncın açıqlamalarının şəxsi fikirləri olduğunu və partiya ilə əlaqəsi olmadığını bildirmişdir. Cümhuriyyət Xalq Partiyasının sədri Kamal Kılıçdaroğlu isə ölkənin müharibə vəziyyətində olmasından başqa vəziyyətdə seçkilərin ertələnə bilməyəcəyi yönündəki açıqlamalarına cavab vermişdir. Həmçinin İYİ Partiyadan Tolqa Öztürk növbədənkənar seçkilərlə bağlı yalnız parlamentin qərar verə biləcəyini müdafiə etmiş, Xalqların Demokratik Partiyasının sabiq həmsədri Səlahəddin Dəmirtaş isə belə bir tədbirin siyasi çevrilişlə nəticələnəcəyindən şübhələndiyini bildirmişdir.
Seçki sistemi
Bir namizədin prezident seçilməsi üçün ilk turda etibarlı ümumi səslərin sadə çoxluğunu (50%-dən çoxunu) almağı lazımdır. Seçkilər iki turlu keçirilir, əgər ilk turda heç bir namizəd üstünlük qazanmazsa, ən çox səs toplayan 2 namizəd növbəti turda yarışır.
Türkiyə prezidenti seçiləcək şəxs 2 dəfə 5 illiyinə seçilə bilər. İkinci müddət bitmədən növbədənkənar seçkilərə gedilərsə, 3-cü müddət üçün də eyni şəxs prezident seçilə bilər. Parlamentin növbədənkənar seçkiləri təsdiqləməsi ilə yenilənən seçkilər prezidentə 3-cü müddətə namizəd olmağa icazə verə bilər.
Namizəd olacaq şəxs ən az 40 yaşında və ali təhsilli olmalıdır. Namizədin namizədliyi təkbaşına və ya birlikdə sonuncu parlament seçkilərində etibarlı səslərin 5 faizini toplamış siyasi partiyalar və ya parlementdə fraksiyası olan siyasi partiyalar tərəfindən irəli sürülməlidir. Bundan başqa, dairə seçki komissiyalarında ən azı 100 min seçicinin imzasını toplaya bilən şəxslər də prezidentliyə namizəd ola bilər.
Namizədlər
Siyahı
| Prezident namizədlərinin seçki bülletenindəki ardıcıllığına görə siyahısı | ||||||||||||||
|---|---|---|---|---|---|---|---|---|---|---|---|---|---|---|
| 1 | 2 | 3 | 4 | |||||||||||
 |  | |  | |||||||||||
| Rəcəb Tayyib Ərdoğan | Məhərrəm İncə | Kamal Kılıçdaroğlu | Sinan Oğan | |||||||||||
| Cümhur İttifaqı | — | Millət İttifaqı | ATA İttifaqı | |||||||||||
| AKP | MHP | BBP | YRP | MP | CHP | İYİ | DEVA | GP | SP | DP | ZP | yanlış ISO kodu: "adalet partisi (2015)" | ÜP | TÜİP |
| Kampaniya | Kampaniya | Kampaniya | Kampaniya | |||||||||||
- Rəcəb Tayyib Ərdoğan — Hazırkı Türkiyə prezidenti (2014–h.h), Ədalət və İnkişaf Partiyasının təsisçilərindən biri və sədri (2001–2014, 2017–h.h).
- Dəstəkləyənlər: Cümhur İttifaqı
- Kamal Kılıçdaroğlu — Cümhuriyyət Xalq Partiyasının sədri (2010–2023), ana müxalifət lideri (2010–2023). Əkrəm İmamoğlu, Mənsur Yavaş və Millət İttifaqının üzvü digər 5 müxalif partiyanın vitze-prezident namizədləri bəlli oldu.
- Dəstəkləyənlər: Millət İttifaqı
- Məhərrəm İncə — Məmləkət Partiyasının qurucusu və sədri (2021–h.h), 2018-ci il prezident seçkilərində prezidentliyə namizəd.
- Sinan Oğan — Milliyətçi Hərəkat Partiyasından Türkiyə Böyük Millət Məclisinin sabiq üzvü (2011–2015). Hal-hazırda bitərəf olaraq siyasi fəaliyyətini davam etdirir.
- Dəstəkləyənlər: ATA İttifaqı
Namizədliklər
2017-ci ildə qəbul edilən konstitusiya referendumundan sonra, Türkiyə konstitusiyasına görə, parlament qrupuna (ən azı 20 millət vəkili) sahib partiyalar prezidentliyə namizəd göstərə bilmə hüququna malikdirlər. Digər namizədlərin isə, ən az 100 min imza toplamaları lazım idi.
İmza toplama kampaniyasına 22 martda başlandı və 27 martda sona çatdı. Sadəcə iki namizəd, Məhərrəm İncə və Sinan Oğan 100 min imza toplaya bildilər və Yenidən Rifah Partiyasının təsisçisi və sədri Fateh Ərbakan isə, Ərdoğanın lehinə namizədlikdən geri çəkildi.
| Partiya | Namizəd | Günlük imza sayları | Nəticə | ||||||
|---|---|---|---|---|---|---|---|---|---|
| 22 mart | 23 mart | 24 mart | 25 mart | 26 mart | 27 mart | ||||
| MP | Məhərrəm İncə | 28,235 | 51,367 | 76,901 |  104,357 | 109,745 | 114,657 | Namizəd oldu | |
| YRP | Fateh Ərbakan | 27,910 | 46,725 | 69,079 | 69,159 | 69,200 | 69,255 |  Namizədlikdən geri çəkildi | |
| — | Sinan Oğan | 15,573 | 25,924 | 39,317 | 63,027 | 102,667 | 111,502 | Namizəd oldu | |
| VP | Doğu Perinçək | 6,679 | 11,792 | 16,192 | 20,400 | 23,776 | 27,055 | Namizəd ola bilmədi | |
| — | Yaqub Türkal | 993 | 1,645 | 2,031 | 2,462 | 2,780 | 3,137 | Namizəd ola bilmədi | |
| — | Ərhan Trüktən | 397 | 755 | 1,116 | 1,604 | 1,940 | 2,588 | Namizəd ola bilmədi | |
| — | Əhməd Özal | 237 | 567 | 807 | 1,025 | 1,311 | 1,544 | Namizəd ola bilmədi | |
| — | İrfan Uzun | 176 | 319 | 447 | 698 | 1,001 | 1,263 | Namizəd ola bilmədi | |
| — | Xəlil Murad Ünvər | 119 | 211 | 285 | 369 | 444 | 538 | Namizəd ola bilmədi | |
| — | Hilmi Özdən | 60 | 151 | 225 | 333 | 405 | 478 | Namizəd ola bilmədi | |
| — | Davut Turan | 34 | 68 | 92 | 106 | 111 | 122 | Namizəd ola bilmədi | |
| Ümumi | 80,413 | 139,524 | 206,494 | 263,540 | 313,380 | 332,139 | |||
Dəstəklər
Milliyətçi Hərəkat Partiyası, Böyük Birlik Partiyası, Hür Dava Partiyası, Yenidən Rifah Partiyası kimi partiyalar Ərdoğanı dəstəklədiklərini açıqlamışdır.
İYİ Partiya, Demokratiya və Sıçrayış Partiyası, Gələcək Partiyası, Səadət Partiyası, Demokrat Partiya, Xalqların Demokratik Partiyası, Türkiyə İşçi Partiyası, Türkiyə Kommunist Partiyası, Türkiyədə Dəyişiklik Partiyası, Liberal Demokratiya Partiyası, Müstəqil Türkiyə Partiyası, Xalqın Azadlığı Partiyası, Solçu Partiya, Milliyətçi Türkiyə Partiyası, Qadınlar Partiyası, Yaşıllar Partiyası kimi partiyalar Kılıçdaroğlunu dəstəklədiyini qeyd etmiş, Məmləkət Partiyası isə, seçkilər ikinci tura qaldığı halda, Kılıçdaroğlunu dəstəkləyəcəyini bildirmiş, lakin daha sonra tərəfsiz qalmışdır. Demokratik Sol Partiyanın bəzi üzvləri də Kılıçdaroğlunu dəstəkləməkdədirlər.
Zəfər Partiyası, Ədalət Partiyası, Mənim Ölkəm Partiyası, Türkiyə İttifaq Partiyası kimi partiyalar Oğanı dəstəklədiyini açıqlamışdır.
Avropa Sosyalistlər Partiyası Kılıçdaroğlunu dəstəklədiyini açıqlamış, hazırkı və 2-ci Özbəkistan prezidenti Şavkat Mirziyayev Ərdoğanı dəstəklədiyini ifadə etmiş, keçmiş, 10-cu Türkiyə Prezidenti Əhməd Necdət Sezər də Kılıçdaroğlunu dəstəklədiyini bildirmişdir.
4-cü və hazırkı Azərbaycan prezidenti İlham Əliyev Ərdoğanı dəstəklədiyini qeyd etmişdir. Sinan Oğan seçkilərin ikinci turunda Ərdoğanı dəstəklədiyini açıqlamışdır.
Zəfər Partiyası seçkilərin ikinci turunda Kamal Kılıçdaroğlunu dəstəklədiyini açıqlamışdır.
Mübahisələr
Ərdoğanın təkrar namizəd olması
2018-ci ildəki prezident seçkilərindən əvvəl, prezident parlamentar rejimdə dövlət başçısı olaraq xidmət edirdi. 2017-ci ildəki konstitusiya dəyişikliyi ilə bağlı referendumdan sonra, ölkə prezident respublikası idarəetmə üsuluna keçdi və prezident hökümətin və dövlətin başçısı oldu. Bəzi müxalif siyasətçilər Ərdoğanın 2014 və 2018-ci illərdə iki dəfə prezident seçildiyini, Türkiyə Konstitusiyasının 116-cı maddəsinə əsasən, parlament tərəfindən növbədənkənar seçkilər təyin edilmədiyi təqdirdə, növbəti dəfə namizəd ola bilməyəcəyini qeyd edir. Bəzi hüquqşünaslar isə, 2018-ci ildə prezidentlik rejiminə keçildiyi üçün və ad oxşarlığından başqa, yeni bir vəzifənin təsis edildiyini irəli sürərək 2018-ci ildəki seçkilərin Ərdoğanın yeni sistemdə ilk dövrü olduğunu və təkrar namizədlik haqqına sahib olduğunu qeyd edirlər.
Sorğular
Birinci tur
İkinci tur
Nəticələr
| Namizəd | Partiya | Birinci tur | İkinci tur | |||
|---|---|---|---|---|---|---|
| Səslər | % | Səslər | % | |||
| Rəcəb Tayyib Ərdoğan | Ədalət və İnkişaf Partiyası | 27.133.849 | 49.52 | 27.834.589 | 52.18 | |
| Kamal Kılıçdaroğlu | Cümhuriyyət Xalq Partiyası | 24.595.178 | 44.88 | 25.504.724 | 47.82 | |
| Sinan Oğan | Partiyasız | 2.831.239 | 5.17 | |||
| Məhərrəm İncə | Məmləkət Partiyası | 235.783 | 0.43 | |||
| Ümumi | 54.796.049 | 100.00 | 53.339.313 | 100.00 | ||
| Etibarlı səslər | 54.796.049 | 98.14 | 53.339.313 | 98.73 | ||
| Etibarsız/boş səslər | 1.037.104 | 1.86 | 684.288 | 1.27 | ||
| Ümumi səslər | 55.833.153 | 100.00 | 54.023.601 | 100.00 | ||
| Qeydiyata alınmış seçicilər/fəallıq | 64.145.504 | 87.04 | 64.197.454 | 84.15 | ||
| Mənbə: YSK, 1-ci tur; 2-ci tur | ||||||
Təhlil
İlk turda heç bir namizəd səslərin çoxluğunu qazana bilmədiyi üçün mayın 28-ində ilk iki yeri tutan Rəcəb Tayyib Ərdoğan və Kamal Kılıçdaroğlu arasında ikinci tur keçirildi. Seçkilərdə 49,52% səs toplayan Ərdoğan bundan öncəki prezident seçkilərində ümumi səslərin 52,59%-ini toplaya bilmişdi.
Həmçinin bax
- 2023-cü ildəki seçkilərin siyahısı
- Türkiyədə siyasət
Qeydlər
- Rəsmi seçki bülletinində partiyalar və ittifaqlar görünmür.
- İncə 11 may 2023-cü ildə namizədlikdən çəkildi, lakin seçki büllentində adı qalmağa davam etdi.
- Geri çəkildi, amma bülletendə qaldı.