Viktor Naneyşvili

Viktor Naneyşvili
Viktor Naneyşvili
Azərbaycan Kommunist Partiyası Mərkəzi Komitəsi Rəyasət Heyətinin 2-ci sədri
	23 iyul 1920 – 9 sentyabr 1920
Əvvəlki	Mirzə Davud Hüseynov
Sonrakı	Yelena Stasova
RKP(b) Qırğız (Qazax) Vilayət Komitəsinin 3-cü I katibi
	1924 – 19 fevral 1925
Əvvəlki	Georgi Korostelyov
Sonrakı	vəzifə ləğv olunub
BKP(b) Qazaxıstan Diyar Komitəsinin 4-cü I katibi
	19 fevral 1925 – iyun 1925
Əvvəlki	vəzifə təsis olunub
Sonrakı	Filip Qoloşyokin
Şəxsi məlumatlar
Doğum tarixi	1878
Doğum yeri	Samtredia bələdiyyəsi[d], İmereti, Gürcüstan;
Vəfat tarixi	22 mart 1940 (61–62 yaşında)
Vəfat yeri	Moskva, RSFSR, SSRİ;
Partiya	Sovet İttifaqı Kommunist Partiyası,; Rusiya Sosial-Demokrat Fəhlə (bolşeviklər) Partiyası;
Təhsili	Moskva Universitetinin Tarix və Filologiya fakültəsi[d];
Fəaliyyəti	siyasətçi
Həyat yoldaşı	Vera Pavlovna Naneyşvili
Uşaqları	Mariya Viktorovna Naneyşvili, Pavel Viktoroviç Naneyşvili
Təltifləri

Viktor İvanoviç Naneyşvili (1878, Samtredia bələdiyyəsi^[d], İmereti – 22 mart 1940, Moskva) — sovet siyasi xadimi, 1903-cü ildən Rusiya Sosial-Demokrat Fəhlə Partiyasının üzvü.

Həyatı

Viktor Naneyşvili 1878-ci ildə kəndli ailəsində dünyaya gəlmişdir. 1917-ci il inqilabı zamanı Bakıda olmuşdur. 1918-ci ilin aprelində Dağıstanın fövqəladə komissarı təyin edilmiş, 23 noyabr 1918-yanvar 1919 tarixlərində RKP(b)-nin Həştərxan quberniya komitəsinin sədri vəzifəsini icra etmişdir. 1920-ci il iyul ayının 23-dən sentyabr ayının 9-na qədər Azərbaycan SSR KP MK-nın prezidiumunun sədri, 1922-ci ilin sentyabrından 1923-cü ilin sonlarına qədər RKP(b)-nin Perm quberniyası komitəsinin katibi olmuşdur. 1924-cü ilin sentyabrından 1925-ci ilin iyununa qədər RKP(b)-nin Qazaxıstan partiya təşkilatının məsul (1-ci) katibi vəzifəsini icra etmişdir.

1931-ci ildən həbs olunduğu 1939-cu ilə qədər Moskva Ümumittifaq Ticarət Akademiyasına rəhbərlik etmişdir.

1939-cu il noyabr ayının 28-də həbs olunmuş, SSRİ Ali Məhkəməsi Hərbi Kollegiyası tərəfindən 21 mart 1940-cı ildə ölüm hökmünə məhkum edilmiş, 22 mart 1940-cı ildə güllələnmişdir. 1955-ci il mart ayının 19-da bəraət almışdır.

Qırmızı əmək bayrağı ordeni ilə mükafatlandırılmışdır.