Xankəndi FK

Xankəndi FK
Klubun tam adı	Xankəndi Futbol Klubu
Ölkə	Azərbaycan
Yaranma tarixi	2024
Stadionu	Xankəndi stadionu
Tutumu	15.000
Baş məşqçisi	Zaur Hacıyev
Kapitanı	Əziz Hüseynov
Liqa	Azərbaycan Birinci Liqası
Ev forması Səfər forması
Rəsmi saytı

Xankəndi FK — Azərbaycanın Xankəndi şəhərini təmsil edən futbol klubu.Hal-hazırda Azərbaycan Birinci Liqasında çıxış edir.

Klub 2024-cü ildə yaranmışdır. Klubun icraçı direktoru Elnur Məcidov, idman direktoru isə Vasif İsmayılovdur. İkinci Liqada çıxış edərkən, klub ev oyunlarını müvəqqəti olaraq Palms Sports Futbol Mərkəzində, ikinci mərhələdə isə (altılıq sistemi) Şamaxı OİK stadionunda keçirib.

Azərbaycan Region Liqasında debüt edən "Xankəndi" klubu ilk yoxlama oyununda ASK Arenanın əsas meydançasında "Çinar Zəngilan" klubu ilə qarşılaşıb. Matç "Xankəndi"nin qələbəsiylə 3:0 başa çatıb.

Region Liqasının 2024/2025 mövsümündə final mərhələsinə yüksələn "Xankəndi" final matçında "Şirvan" komandası ilə qarşılaşıb. Matçda 3:0 hesabı ilə qalib gələn "Xankəndi" Region Liqasının çempionu olub və Azərbaycan İkinci Liqasında və UEFA Regionlar Kubokunda iştirak hüququ əldə edib.

2026-cı il yanvarın 14-də Zaur Hacıyev baş məşqçi vəzifəsinə təyin olunub. O, bu postda İbrahim Uzuncanı əvəz edib. Klub 2025/26 mövsümündə 76 xal toplayaraq Azərbaycan İkinci Liqasının çempionu adını qazanaraq, Birinci Liqaya vəsiqə qazanıb.