Zərbəli Qurbanov

Zərbəli Qurbanov
Qurbanov Zərbəli Qasım oğlu
azərb. Qurbanov Zərbəli Qasım oğlu‎
Amasiya rayon Partiya Komitəsinin birinci katibi
1981 – 1985
Əvvəlki	Cahangir Əliyev
Sonrakı	İldırım Bağırov
Şəxsi məlumatlar
Doğum tarixi	1932
Doğum yeri	Nərimanlı, Basarkeçər rayonu, Göyçə mahalı, Ermənistan SSR, SSRİ
Vəfat tarixi	2003 (70–71 yaşında)
Vəfat yeri	Bakı
Təhsili	Azərbaycan Dövlət Aqrar Universiteti, Bakı Dövlət Universiteti, Bakı Ali Partiya Məktəbi
Fəaliyyəti	siyasətçi, jurnalist
Dini	İslam

Zərbəli Qasım oğlu Qurbanov (1932, Nərimanlı, Basarkeçər rayonu – 2003, Bakı) — Amasiya rayon Partiya Komitəsinin birinci katibi (1981-1985), "Sovet Ermənistanı" qəzetinin redaktoru (1985–14.01.1989)

Zərbəli Qurbanov 1932-ci ildə Basarkeçər rayonunun Nərimanlı kəndində anadan olmuşdur. Naxçıvan Pedaqoji Məktəbini, Kənd Təsərrüfatı İnstitutunu, Universiteti, Ali Partiya Məktəbini bitirmişdir.

Məktəb direktoru, kolxoz sədri, Basarkeçər rayon Xalq Deputatları Soveti İcraiyyə Komitəsinin sədri, Amasiya rayon Partiya Komitəsinin birinci katibi, Ermənistan KP MK-nın üzvü, Ermənistan KP MK-nın orqanı olan "Sovet Ermənistanı" qəzetinin baş redaktoru, Ali Sovetin deputatı, Ali Sovet sədrinin müavini olmuşdur.

Zərbəli Qurbanov 1981-1985-ci illərdə Amasiya rayon Partiya Komitəsinin birinci katibi, 1985-ci ildən sonra isə "Sovet Ermənistanı"nın redaktoru olmuşdur.

12 iyul 1994-cü ildə Azərbaycan Respublikası Qaçqınlarla və Məcburi Köçkünlərlə İş üzrə Dövlət Komitəsində kadrlar üzrə aparıcı müfəttiş vəzifəsinə təyin olunmuşdur.

1998-ci ildən ömrünün sonuna kimi Prezident aparatının işlər idarəsində çalışmışdır.

2003-cü ildə Bakı şəhərində vəfat etmişdir.