Ziyafət Əsgərov

Ziyafət Əsgərov
Azərbaycan Respublikası Milli Məclisi sədrinin müavini
Vəzifədədir
23 sentyabr 2024-cü ildən
Sədr	Sahibə Qafarova
24 noyabr 2000 – 2 dekabr 2005
Sədr	Murtuz Ələsgərov Oqtay Əsədov
Azərbaycan Respublikası Milli Məclisinin deputatı
Vəzifədədir
4 noyabr 1997-ci ildən
Seçki dairəsi	I və II çağırış — proporsional (YAP) III, IV, V və VI çağırış — 76 saylı Lənkəran–Astara VII çağırış — 1 saylı Şərur-Sədərək
Azərbaycan Respublikası Milli Məclisi sədrinin birinci müavini
2 dekabr 2005 – 10 mart 2020
Sədr	Oqtay Əsədov
Əvvəlki	Arif Rəhimzadə
Sonrakı	Əli Hüseynli
Şəxsi məlumatlar
Doğum tarixi	24 oktyabr 1963(1963-10-24) (62 yaş)
Doğum yeri	Aşağı Uzunoba, Naxçıvan rayonu, Naxçıvan MSSR, Azərbaycan SSR, SSRİ
Partiya	Yeni Azərbaycan Partiyası
Təhsili	Bakı Dövlət Universiteti
Fəaliyyəti	siyasətçi
Elmi fəaliyyəti
Elmi dərəcəsi	hüquq elmləri üzrə fəlsəfə doktoru
Təltifləri
Vikianbarda əlaqəli mediafayllar

Ziyafət Abbas oğlu Əsgərov (24 oktyabr 1963, Aşağı Uzunoba, Naxçıvan rayonu) — Azərbaycan ictimai-siyasi xadimi, Azərbaycan Respublikası Milli Məclisi sədrinin müavini (2000–2005, 2024-cü ildən) və sabiq birinci müavini (2005–2020), Milli Məclisin I, II, III, IV, V, VI və VII çağırış deputatı (1997-ci ildən).

Ziyafət Əsgərov 1963-cü il oktyabrın 24-də Naxçıvan Muxtar Respublikası Babək rayonunun Aşağı Uzunoba kəndində anadan olmuşdur. Azərbaycan Dövlət Universitetinin hüquq fakültəsini fərqlənmə diplomu ilə bitirmişdir. Hüquq elmləri namizədi, professordur.

1995-ci ildə Azərbaycan Respublikasının Konstitusiyasını işləyib hazırlayan Komissiyanın işçi qrupunun üzvü olmuşdur.

Azərbaycan Respublikasının Dövlət Qulluğunu İdarəetmə Şurası yanında Korrupsiyaya qarşı mübarizə üzrə komissiyanın üzvüdür.

1990-cı ildən Bakı Dövlət Universitetində konstitusiya hüququ kafedrasının müəllimi, baş müəllimi, dosenti, kafedra müdirinin müavini, hüquq fakültəsi dekanının müavini vəzifələrində çalışmışdır. Hazırda Konstitusiya hüququ kafedrasının professoru və ictimai əsaslarla kafedranın müdiridir.

Yeni Azərbaycan Partiyası Siyasi Şurasının üzvüdür.

Birinci və ikinci çağırış Azərbaycan Respublikası Milli Məclisinin deputatı olmuş, 2000-ci il noyabrın 24-dən parlament Sədrinin müavini, Təhlükəsizlik və müdafiə məsələləri daimi komissiyasının sədri vəzifəsində çalışmışdır.

2005-ci il noyabrın 6-da 76 saylı Lənkəran-Astara seçki dairəsindən üçüncü çağırış Azərbaycan Respublikası Milli Məclisinin deputatı seçilmişdir. Milli Məclisin Təhlükəsizlik və müdafiə məsələləri daimi komissiyasının sədridir.

NATO-nun Parlament Assambleyasında Azərbaycan nümayəndə heyətinin rəhbəridir.

2024-cü il oktyabrın 8-də Azərbaycan—İran parlamentlərarası əlaqələr üzrə işçi qrupunun rəhbəri seçilib.

2024-cü ilin oktyabrında Azərbaycan Respublikası Milli Məclisi və Rusiya Federasiyası Federal Məclisi Dövlət Dumasının parlamentlərarası əməkdaşlıq komissiyasının sədri təyin olunub.

2024-cü ilin dekabrın 10-da Azərbaycan Respublikasının Milli Məclisi tərəfindən Azərbaycan Respublikasının Korrupsiyaya qarşı mübarizə üzrə Komissiyasına üzv təyin olunub.

Evlidir, 2 övladı var.

• 23.10.2013 — "Şöhrət" ordeni.
• 23.10.2023 — "Şərəf" ordeni.