Əlirza Ərafi

Əlirza Ərafi
علیرضا اعرافی
Doğum adı	علی رضا اعرافی
Doğum tarixi	1959(1959) (66–67 yaş)
Doğum yeri	Meybod, Meybod şəhristanı, Yəzd ostanı, İran
Təhsili	Qum elmiyyə hövzəsi[d]
Üzvlüyü	Mütəxəssislər Məclisi, Konstitusiyanın Müdafiəsi Şurası
arafi.ir
Vikianbarda əlaqəli mediafayllar

Ayətullah Əlirza Ərafi (fars. علیرضا اعرافی‎; 1959, Meybod, Yəzd ostanı) — İslam alimi, müctəhid.

Əlirza Ərafi Yəzd vilayətinin Maybod şəhərində anadan olub. Onun atası Məhəmməd İbrahim Ərafi din xadimlərindən biri və Seyid Ruhullah Xomeyninin yaxın dostu olub. İran İnqilabından illər əvvəl o, İranda cümə namazı qılır və silahla moizə oxuyurdu. Onun tərcümeyi-halı haqqında bir neçə kitab yazılıb. Əlirza Ərafinin anası da Kazem Malek Əfzəli Ərdəkaninin övladlarından olmuşdur.

Ayətullah Ərafi: Bütün beynəlxalq sənədlərdə Qarabağ Azərbaycanın ayrılmaz ərazisi kimi tanınır Nüfuzlu din xadimi Ayətullah Əlirza Ərafi 07.10.2020 tarixində Ermənistan-Azərbaycan Qarabağ münaqişəsi ilə əlaqədar xüsusi bəyanat yayıb. Bəyanatda Qarabağın Azərbaycana aid olduğu və İslam aləminin Azərbaycanı dəstəkləməli olduğu bildirilib. Diqqətə çatdırılıb ki, Azərbaycan dünyaya görkəmli elm, mədəniyyət və din xadimləri bəxş edib. Bütün beynəlxalq sənədlərdə Qarabağ Azərbaycanın ayrılmaz ərazisi kimi tanınır.

Dini Elmlər hövzələrinin müdiri Ayətullah Əlirza Ərafi İtaliyaya səfəri zamanı Vatikanda Roma Papası Fransisk ilə görüşüb. Tərəflər dinlər arasında qarşılıqlı əlaqənin və sinerjinin qorunub saxlanmasının, eləcə də dünyada məzlum insanlara qarşı zülm və cinayətin pislənməsinin vacibliyini vurğulayıblar. Ərafi elmi mərkəzlərin və din xadimlərinin dəvəti ilə İtaliyada səfərdə olub. Papa tərəfindən çox isti və səmimi qarşılanan İranın dini elmlər hövzələrinin müdiri, müasir insanın intellektual, mədəni və sosial problemlərini həll etmək üçün ilahi dinlər arasında qarşılıqlı əlaqə üçün İslam, şiəçilik və dini elmlər hövzələrinin intellektual və dərketmə imkanlarını vurğulayıb. O deyib: "Allaha inam və onu tanəmaqda tərəddüd, mənəviyyatın və qeyb aləminə bağlılığın azalması, ailənin əsaslarının və qadınların rolu və mövqeyinin zəiflədilməsi, millətlərə qarşı sanksiyalar və təzyiqlər, aclıq və yoxsulluq, ətraf mühitin məhv edilməsi və iqtisadi güclərin ona etinasızlığı və ekstremizmin genişlənməsi yeni dövrün ən böyük çağırışlarından və böhranlarındandır ki, ilahi dinlərin təsirli rolu olmadan, onlara qalib gəlmək mümkün deyil və dini elmlər hövzələri beynəlxalq elmi-dini qurumlar, o cümlədən də Katolik kilsəsi ilə qarşılıqlı əməkdaşlığa hazırdır".

ABŞ–İsrailin İrana zərbələri nəticəsində Əli Xameneinin ölümündən sonra xələfi seçilənə qədər İranın ali liderinin vəzifələri Rəhbərlik Şurası tərəfindən icra olunmağa başladı. Daha sonra Əlirza Ərafi həmin şuraya daxil oldu. Martın 2-də yaşadığı evə raket hücumu olub.

• Beynəlxalq Əl-Mustafa Universiteti