Adil Hacıyev

Adil Hacıyev
Adil Hacıyev
Azərbaycan Respublikasının ərazi hakimiyyət və idarəetmə orqanları ilə iş üzrə dövlət müşaviri
	31 oktyabr 1991 – 21 may 1992
Əvvəlki	vəzifə təsis olunub
Sonrakı	Arif Hacıyev
Azərbaycan Kommunist Partiyası Tovuz Rayon Komitəsinin birinci katibi
	1967 – 1974
Əvvəlki	Barat Qaravəliyev
Sonrakı	Həbib Həsənov
Şəxsi məlumatlar
Doğum tarixi	1932 (93–94 yaş)
Doğum yeri	Qazax rayonu, Azərbaycan SSR, ZSFSR, SSRİ;
Partiya	Sovet İttifaqı Kommunist Partiyası (1958–1991);
Təhsili	Azərbaycan Kənd Təsərrüfatı İnstitutu (1954);
Təltifləri

Adil Xanbaba oğlu Hacıyev (1932, Qazax rayonu) — Azərbaycan ictimai-siyasi və partiya xadimi, Azərbaycan Kommunist Partiyası Tovuz Rayon Komitəsinin birinci katibi (1967–1974), Azərbaycan Respublikasının ərazi hakimiyyət və idarəetmə orqanları ilə iş üzrə dövlət müşaviri (1991–1992).

Həyatı

Adil Xanbaba oğlu Hacıyev 1932-ci ildə anadan olmuşdur. Azərbaycan Kənd Təsərrüfatı İnstitutunu bitirərək mühəndis-mexanik ixtisasına yiyələnmişdir.

Adil Hacıyev əmək fəaliyyətinə institutu bitirdikdən sonra, 1954-cü ildə başlamış, Ağdam Kənd Təsərrüfatını Mexanikləşdirmə Texnikumunda müəllim, Azərbaycan Kənd Təsərrüfatı Texnikası Birliyinin Ağdam şöbəsinin baş mühəndisi olmuşdur. 1963-cü ildə partiya işinə irəli çəkilərək Azərbaycan Kommunist Partiyasının Mərkəzi Komitəsində təlimatçı vəzifəsində işləmişdir. 1967-ci ildən Azərbaycan KP Tovuz Rayon Komitəsinin birinci katibi olmuşdur.

Adil Hacıyev 1982-ci ildən 1990-cı ilədək SSRİ Ədəbiyyat Fondunun Azərbaycan şöbəsinə başçılıq etmiş, sonra yenidən partiya işinə keçmişdir. Azərbaycan KP MK Ümumi şöbəsinin müdiri olmuşdur.

Azərbaycan Respublikası Prezidentinin 31 oktyabr 1991-ci il tarixli Fərmanı ilə Azərbaycan Respublikasının ərazi hakimiyyət və idarəetmə orqanları ilə iş üzrə dövlət müşaviri təyin edilmişdir.

Adil Hacıyev 1958-ci ildən Sovet İttifaqı Kommunist Partiyasının üzvü olmuşdur. Azərbaycan KP Təftiş Komissiyasının üzvü seçilmişdir. Azərbaycan SSR Ali Sovetinin VII və VIII çağırış deputatı seçilmiş, Ali Sovetin Sənaye, nəqliyyat və rabitə komissiyasının üzvü olmuşdur. 1991-ci ildən Azərbaycan Respublikası Ali Sovetinin XII çağırış deputatı olmuş, Ali Sovetin Etika komissiyasının tərkibinə seçilmişdir.

"Qırmızı əmək bayrağı" ordeni ilə təltif olunmuşdur.