Dəstək
Pulsuz Yükləmə və Məlumat Platforması

İvan İvanoviç Meşşaninov (rus. Иван Иванович Мещанинов; 24 noyabr (6 dekabr) 1883, Ufa – 16 yanvar 1967[…], Leninqrad) — arxeoloq və dilçi, 1932-ci ildə SSRİ El

İvan Meşaninov

Vikipediya, azad ensiklopediya
( səhifəsindən istiqamətləndirilmişdir)
İvan Meşşaninov
Doğum tarixi 24 noyabr (6 dekabr) 1883(1883-12-06)
Doğum yeri
Vəfat tarixi 16 yanvar 1967(1967-01-16)[…] (83 yaşında)
Vəfat yeri
  • Leninqrad, RSFSR, SSRİ
Dəfn yeri
  • Serafimovskoye qəbiristanlığı[d]
Elm sahələri dilçilik, arxeologiya
Elmi adı
  • SSRİ Elmlər Akademiyasının akademiki[d] (1932-ci ildən)
İş yerləri
  • Moskva Dövlət Universitetinin Filologiya fakültəsi[d],
  • N.N. Mikluxo-Maklay Etnologiya və Antropologiya İnstitutu[d],
  • Leninqrad Şərq İnstitutu[d]
Təhsili
  • Sankt-Peterburq Arxeologiya İnstitutu[d],
  • Sankt-Peterburq İmperator Universiteti[d]
Elmi rəhbəri Nikolay Marr
Üzvlüyü
  • Rusiya Elmlər Akademiyası (1932-ci ildən),
  • Azərbaycan SSR Elmlər Akademiyası (1945-ci ildən),
  • Qazaxıstan Elmlər Akademiyası (1946-cı ildən)
Mükafatları Sosialist Əməyi Qəhrəmanı — 1945
"Lenin" ordeni — 1943 "Lenin" ordeni — 1945 "Qırmızı əmək bayrağı" ordeni — 1963
1-ci dərəcəli "Stalin" mükafatı — 1943 1-ci dərəcəli "Stalin" mükafatı — 1946
İmza

İvan İvanoviç Meşşaninov (rus. Иван Иванович Мещанинов; 24 noyabr (6 dekabr) 1883, Ufa – 16 yanvar 1967[…], Leninqrad) — arxeoloq və dilçi, 1932-ci ildə SSRİ Elmlər Akademiyasının akademiki, 1936–1937-ci illərdə 1936–1937-ci illərdə SSRİ EA-nın Azərbaycan filialının Tarix, Arxeologiya və Etnoqrafiya İnstitutunun direktoru, 1945-ci ildə isə AEA-nın fəxri akademiki, Sosialist Əməyi Qəhrəmanı (1945).

Həyatı

İvan İvanoviç Meşşaninov 1883-cü il dekabrın 6-da hazırkı Başqırdıstanın Ufa şəhərində anadan olmuşdur. 1932-ci ildə SSRİ EA-nın akademiki, 1945-ci ildə Azərbaycanda akademiya yaradılanda o, Azərbaycan SSR EA-nın fəxri üzvü seçilmişdi, Azərbaycan alimləri ilə, o cümlədən Heydər Hüseynovla şəxsən tanış idi. İ. İ. Meşşaninov Qara dənizin şimal sahillərində və Cənubi Qafqazda arxeoloji qazıntılara rəhbərlik etmişdir. 1926–1927-ci illərdə Xocalı (Qarabağ) və Qızılvəngdə (Naxçıvan), 1933-cü ildə Örənqalada (Beyləqan) arxeoloji qazıntılar aparmış, Mil düzündə küp qəbirlər, Daşkəsəndə tsiklop tikililər aşkar etmişdir. Azərbaycanın qədim tarixinə, arxeologiyasına dair bir sıra əsərin müəllifidir. İ. İ. Meşşaninovun elmi kadrların hazırlanmasında da mühüm xidmətləri olmuşdur. Görkəmli Azərbaycan alimlərindən Məmmədağa Şirəliyev, Əbdüləzəl Dəmirçizadə, İshaq Cəfərzadə, Saleh Qazıyev və başqaları onun yetirmələri olmuşlar. O, 1936–1937-ci illərdə SSRİ EA-nın Azərbaycan filialının Tarix, Arxeologiya və Etnoqrafiya İnstitutunun direktoru olmuşdur. Akademik İ. İ. Meşşaninov Qırmızı Əmək Bayrağı ordeni, Lenin ordeni və medallarla təltif olunmuş, SSRİ Dövlət mükafatı laureatı və Sosialist Əməyi Qəhrəmanı adına layiq görülmüşdür. 1967-ci il 16 yanvar tarixində keçmiş Leninqradda (indiki Sankt-Peterburqda) vəfat etmişdir.

Mükafatları

İki dəfə "Stalin" mükafatı laureatı adına layiq görülmüşdü.

"Qırmızı əmək bayrağı" ordeni ilə təltif olunmuşdur.

1945-ci ildə peşəkar arxeoloq və dilçiyə "Sosialist Əməyi Qəhrəmanı" adı verilmişdi.

Əsərləri

  • Эламские древности, П., 1917;
  • Халдоведение. История древнего Вана, Баку, 1927;
  • Введение в яфетидологию, Л., 1929;
  • Язык Ванской клинописи, Л., 1935;
  • Новое учение о языке. Стадиальная типология, Л., 1936;
  • Общее языкознание, Л., 1940;
  • Члены предложения и части речи, М. — Л., 1945;
  • Глагол, Л., 1949;
  • Грамматический строй урартского языка, ч. 1–2, Л., 1958–1962;
  • Структура предложения, М. — Л., 1963;
  • Эргативная конструкция в языках различных типов, Л., 1967.
Üst