Ağalar Vəliyev

Ağalar Vəliyev
Azərbaycan Respublikası Milli Məclisinin deputatı
Şəxsi məlumatlar
Doğum adı	Ağalar İsrəfil oğlu Vəliyev
Doğum tarixi	23 iyul 1957(1957-07-23) (69 yaş)
Doğum yeri	Yevlax, Azərbaycan SSR, SSRİ
Partiya	Yeni Azərbaycan Partiyası
Təhsili	Azərbaycan Memarlıq və İnşaat Universiteti
Fəaliyyəti	siyasətçi
Təltifləri
Vikianbarda əlaqəli mediafayllar

Ağalar İsrəfil oğlu Vəliyev (23 iyul 1957, Yevlax) — Azərbaycan Respublikası Milli Məclisinin VI çağırış deputatı.

Ağalar Vəliyev 1957-ci il iyulun 23-də Yevlax şəhərində anadan olmuşdur. Əslən Qarakilsə rayonundandır. 1976-cı ildə Mingəçevir Politexnik Texnikumunu, 1989-cu ildə isə Azərbaycan İnşaat Mühəndisləri İnstitutunu bitirmişdir. İxtisasca inşaat mühəndisidir.

Əmək fəaliyyətinə 1976-cı ildə Avtomobil Yollarının Tikintisi və İstismarı Nazirliyinin Yevlax dəmir beton məmulatları zavodunda fəhləlikdən başlamışdır. Həmin zavodda laboratoriya mühəndisi, şöbə rəisi, baş mühəndis və direktor, 1986-cı ildən Avtomobil Yollarının Tikintisi və İstismarı Nazirliyinin Dəmir Beton zavodunun direktoru, 1991-ci ildən Körpü tikinti kombinatının baş direktoru, 1993-cü ildən isə 2 saylı "Yoltəmirtikinti" trestinin rəisi, 1996–1998-ci illərdə isə "Azəraqrartikinti" Dövlət Şirkətinin prezidenti vəzifələrində çalışmışdır.

"Azəraqrartikinti" Açıq Səhmdar Cəmiyyətinin Müşahidə Şurasının sədridir.

Yeni Azərbaycan Partiyasının üzvüdür. 2010-cu ildə "Əməkdar mühəndisi" fəxri adına layiq görülmüş, 2012-ci ildə isə "Şöhrət" ordeni ilə, 2017-ci ildə isə 2-ci dərəcəli "Vətənə xidmətə görə" ordeni ilə təltif edilmişdir.

Qərbi Azərbaycan İcmasının Qarakilsə Rayon İcmasınının İdarə Heyətinin fəxri üzvüdür.

2024-cü il oktyabrın 8-də Azərbaycan — Sloveniya parlamentlərarası əlaqələr üzrə işçi qrupunun rəhbəri seçilib.

Ailəlidir, bir oğlu var.