III Bakur (gürc. ბაკურ, lat. Bacurius; VI əsr – 580) — Chosroid sülaləsindən olan sonuncu İberiya hökmdarı. III Bakur 580-ci ildə vəfat etmişdir. Onun ölümü ilə yerli Kartli sülaləsi kimi tanınan Chosroid sülaləsinin varlığına son qoyulmuş, İberiya monarxiyası öz müstəqilliyini itirmiş və Gürcüstan rəsmən Sasanilər imperiyasının tərkibinə daxil edilmişdir.
| III Bakur | |
|---|---|
| Şəxsi məlumatlar | |
| Doğum tarixi | VI əsr |
| Vəfat tarixi | 580 |
| Fəaliyyəti | monarx |
O, İberiya hökmdarı olaraq atası VI Parsmanın yerinə hakimiyyətə gəlmişdir. Dəqiq taxta çıxma vaxtı bilinmir. O, ölkəni Sasani hökmdarı IV Hörmüzün vassalı kimi idarə etmişdir. Onun hakimiyyəti altında olan torpaqlar kifayət qədər kiçik olmuşdur. Onun hakimiyyəti çox məhdud əraziləri əhatə edirdi. Bu ərazilərə Ujarma qalasının ətrafında yerləşən torpaqlar daxil idi. Paytaxt Tbilisi və Daxili İberiya isə daha çox Sasanilər sülaləsinin nəzarəti altında idi.
580-ci ildə İberiya hökmdarı III Bakur vəfat edir və bu ölümü fürsət kimi qiymətləndirən IV Hörmüz İberiya ərazisində yerli idarəetməni tamamilə ləğv edir və buraya Sasani mərzbanı təyin edilir. Bu ləğvetmənin əsas səbəbi, yerli hökmdarların Sasanilər sülaləsinə problemlər yaratması idi.