Əlabbas İsgəndərov

Əlabbas İsgəndərov
Əlabbas İsgəndərov
	Əlabbas Qara oğlu İsgəndərov
Şəxsi məlumatlar
Doğum tarixi	20 noyabr 1958
Doğum yeri	Kürdlər, Ağdam rayonu, Azərbaycan SSR, SSRİ;
Vəfat tarixi	4 mart 1992 (33 yaşında)
Vəfat yeri	Qazançı, Ağdam rayonu, Azərbaycan;
Dəfn yeri	Ağdam Şəhidlər Xiyabanı;
Hərbi fəaliyyəti
Mənsubiyyəti	Azərbaycan Ordusu
Döyüşlər	Birinci Qarabağ müharibəsi;
Təltifləri

Əlabbas Qara oğlu İsgəndərov (20 noyabr 1958, Kürdlər, Ağdam rayonu – 4 mart 1992, Qazançı, Ağdam rayonu) — Azərbaycanın Milli Qəhrəmanı, Birinci Qarabağ müharibəsi şəhidi.

Həyatı

20 noyabr 1958-ci il Ağdam rayonunun Kürdlər kəndində anadan olmuşdur. O, cavanlığında Kolanı obasında ad-san çıxarmış, əyilməzliyi ilə hamının hörmətini qazanmışdır. 18 yaşı tamam olduqda ordu sıralarına çağırılır, tərxis edildikdən sonra isə öz doğma obasına dönərək təsərrüfatla məşğul olur. 1991-ci ildə Ağdamda könüllülərdən ibarət batalyon yarananda ona ilk yazılanlardan biri də Əlabbas oldu.

Döyüşlərdə iştirakı

1992-ci ildə Umudlu kəndində mühasirəyə düşmüş 40 döyüşçümüz mühasirdən çıxa bilmirdi erməni yaraqlıları onları hər tərəfdən atəşə tuturdular, məhz Əlabbasın qəhrəmanlığı ilə onlar gizli yollarla hərbi hissəyə dönə bildilər. 4 mart 1992-ci il Qazançı kəndi uğrunda gedən döyüşlərdə o qəhrəmancasına həlak oldu.

Ailəsi

Evli idi, üç övladı yadigar qalıb.

Milli Qəhrəman

Azərbaycan Respublikası prezidentinin 13 avqust 1992-ci il tarixli 135 saylı fərmanı ilə İsgəndərov Əlabbas Qara oğlu ölümündən sonra "Azərbaycanın Milli Qəhrəmanı" adına layiq görülmüşdür.

Ağdamın Şəhidlər xiyabanında dəfn edilmişdir.

Ədəbiyyat

Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 140-141.