| Gülağası Mirzəyev | |
|---|---|
| Gülağası Ağahüseyn oğlu Mirzəyev | |
 | |
| Doğum tarixi | 18 aprel 1978 (48 yaş) |
| Doğum yeri |
|
| Milliyyəti | azərbaycanlı |
| Fəaliyyəti | balet artisti, balet pedaqoqu[d] |
| Fəaliyyət illəri | 1994–h.h. |
| Teatr | Azərbaycan Dövlət Akademik Opera və Balet Teatrı |
| Mükafatları |   |
Gülağası Ağahüseyn oğlu Mirzəyev (18 aprel 1978, Bakı) — Azərbaycan balet solisti, Azərbaycan Respublikasının xalq artisti (2013).
Həyatı
Mirzəyev Gülağası Ağa Hüseyn oğlu 1978-ci il aprel ayının 18-də Bakı şəhərində anadan olub.
1984-cü ildən 1987-ci ilədək 6 saylı orta məktəbdə təhsil alıb.
1987-ci ildə Bakı Xoreoqrafiya Məktəbinin klassik şöbəsinə daxil olmuş və 1995-ci ildə balet artisti ixtisası ilə həmin məktəbi bitirib.
Əmək fəaliyyətinə 1994-cü ildə Azərbaycan Dövlət Akademik Opera və Balet Teatrının balet truppasında balet artisti vəzifəsində başlayıb.
1999-cu ildən indiyə kimi kimi teatrın aparıcı səhnə ustası vəzifəsində çalışır.
Dəfələrlə Azərbaycan Respublikasının Opera və Balet teatrının balet truppasının tərkibində xarici ölkələrdə qastrol səfərlərində iştirak edib, və beynəlxalq festivallarında Azərbaycan Respublikasını təmsil etmişdir.
2006–2012-ci illərdə Azərbaycan Dövlət Mədəniyyət və İncəsənət Universitetində çalışıb.
2015-ci ildə Moskva Müasir Humanitar Akademiyasını (sənətşünaslıq bakalavr pilləsi) bitirib.
2015-ci ilin noyabr ayından 2016-cı ilin fevral ayına kimi Bakı Xoreoqrafiya Akademiyasının bədii rəhbər vəzifəsində işləmişdir.
2019-cu ildə "Moskva maliyyə-sənaye universiteti" (idarəetmə magistr pilləsi) bitirib.
Mükafatları
- Azərbaycan Respublikası Gənclər və İdman Nazirliyinin "1999-cu ildə teatr sənəti sahəsində qazandığı uğurlara görə" diplomu — 2000-ci il
- "Azərbaycan Respublikasının əməkdar artisti" fəxri adı — 24 dekabr 2002
- "Azərbaycan Respublikasının xalq artisti" fəxri adı — 25 iyun 2013
- Azərbaycan Respublikası Prezidentinin mükafatı — 10 may 2007, 7 may 2008, 5 may 2009, 5 may 2010, 3 may 2011, 9 may 2012, 1 may 2013, 30 aprel 2014, 6 may 2015,, 6 may 2016-cı il, 1 may 2017, 9 may 2018, 10 may 2019, 7 may 2020, 7 may 2021, 10 may 2022, 6 may 2023, 9 may 2024, 8 may 2025, 7 may 2026
İfa etdiyi əsas rollar
Opera və Balet teatrında aşağıdakı balet tamaşalarında baş rolları ifa edib:
| Müəllif | Tamaşa | Rol | Tarix | Qeyd |
|---|---|---|---|---|
| R. Driqo | "Arlekinada" | Hakim | 1997-ci il | ilk ifaçısı |
| F. Əmirov | "Min bir gecə" | Aladdin | ||
| P. Çaykovski | "Şelkunçik" | Şahzadə | ||
| P. Çaykovski | "Qu Gölü" | Şahzadə Zigfrid | ||
| Ə. Bədəlbəyli | "Qız Qalası" | Polad | 1999-cu il redaksiyası | ilk ifaçısı |
| A. Adan | "Jizel" | Qraf Albert | ||
| L. Minkus | "Don Kixot" | Espada | ||
| P. Çaykovski | "Romeo və Cülyetta" | Romeo | ||
| J. Bize-R. Şedrin | "Karmen-Süita" | Torrero | 1999-cu il | ilk ifaçısı |
| Q. Qarayev | "Don Kixot" | Don Kixot | 2000-ci il | ilk ifaçısı |
| Q. Qarayev | "Leyli və Məcnun" | Məcnun | 2001-ci il | ilk ifaçısı |
| T. Bakıxanov | "Xəzər Balladası" | Neftçi | 2001-ci il | ilk ifaçısı |
| X. Mirzəzadə | "Qara və Ağ" | Duet | 2000-ci il | ilk ifaçısı |
| M. Ravel | "Bolero" | Kişi | 2002-ci il | ilk ifaçısı |
| A. Əlizadə | "Qafqaza Səyahət" | Aleksandr Düma | 2002-ci il | ilk ifaçısı |
| L. Minkus | "Paxita" | Kavaler | ||
| L. Minkus | "Paxita" | Pa-de-trois | 2003-cü il | ilk ifaçısı |
| S. Prokofyev | "Tamahlar" | Kişi | 2004-cü il | ilk ifaçısı |
| Niyazi | "Rast" | Atr | 2004-cü il | ilk ifaçısı |
| F. Şopen | "Şopeniana" | Şopen | 2005-ci il | ilk ifaçısı |
| P. Bülbüloğlu | "Eşq və Ölüm" | Azər | 2005-ci ilin quruluşu | ilk ifaçısı |
| T. Bakıxanov | "Xeyir və Şər" | Xeyir | 2008-ci il | ilk ifaçısı |
| İ. Ştrauss | "Düyməcik" | Elf şahzadesi | 2009-cu il | ilk ifaçısı |
| Rimski-Korsakov | "Şəhrizadə" | Qızıl qulluqçusu | 2011-ci il | ilk ifaçısı |
| J. Bize | "Arlezianka" | Frederi | 2011-ci il | ilk ifaçısı |
| Q. Qarayev | "Yeddi gözəl" | Bəhram Şah | ||
| D. Şostakoviç | "Hanım və Xuliqan" | Xuliqan | 2012-ci il | ilk ifaçısı |
| F. Qarayev | "Qobustan kölgələri" | Prometey | 2013-cü il | ilk ifaçısı |
| A. Pyatsollo | "Məhəbbət tanqosu" | Raul | 2014-cü il | ilk ifaçısı |
| P. Bülbüloğlu | "Eşq və Ölüm" | Azər | 2015-ci ilin quruluşu | ilk ifaçısı |
Qastrol səfərləri
2000-ci ildə Azərbaycan Dövlət Akademik Opera və Balet Teatrının balet truppasının sırasında Türkiyənin İstanbul və Antalya şəhərlərində çıxış edib. 16 və 17 iyunda İstanbulda "1001 gecə" baletində Ələddin, 20 iyunda Antalyada "Qız Qalası" baletində Polad rolunu ifa edib. Gülyanaq rolunu Naira Ramazanova ifa edib.
4 dekabr 2001-ci ildə Azərbaycan Dövlət Akademik Opera və Balet Teatrının balet truppasının sırasında Moskva şəhərinə qastrol səfərinə getmişdir. Bolşoy Teatrda "Leyli və Məcnun" baletində Məcnun rolunu ifa edib. (Leyli rolunu Rimma İsgəndərova ifa edib).
11 mart 2003-cü ildə Azərbaycan Dövlət Akademik Opera və Balet Teatrının balet truppasının sırasında Moskvaya qastrol səfərinə getmişdir. Bolşoy Teatrda F. Amirovun yubileyinə xəsr olunmuş "1001 gecə" baleti gostərilmişdir (Ələddin rolunu ifa edib).
4 mart 2008-ci ildə Mərakeşin Rabat şəhərində keçirilən Azərbaycanın Mədəniyyət günlərinə xəsr olunmuş konsert proqramında "Leyli və Məcnun" baletindən adajio ifa olunub. "Məhəmməd 5" milli teatrında Məcnun rolunu ifa edib. (Leyli obrazını Rimma İsgəndərova ifa edib).
2009 və 2010-cu illərdə Kanadaya "Victoria Ballet Company" tərəfindən dəvət olunmuşdur. 16–17–18 – 19 dekabr tarixlərində Toronto şəhərində "Richmond Hill Centre"-də keçirilən "Şelkunçik" baletində çıxış edib.
9 oktyabr 2012-ci ildə Azərbaycan Dövlət Akademik Opera və Balet Teatrının balet truppasının sırasında Belarusun Minsk şəhərinə qastrol səfərinə getmişdir. Belarusun Bolşoy Teatrının səhnəsində "Yeddi Gözəl" baletində baş rol olan Bəhram Şah obrazını ifa etmişdir. (Gözəllər gözəli obrazını Kamilla Hüseynova ifa etmişdir).
18 noyabr 2012-ci ildə Qırğızıstanın Bişkek şəhərində opera və balet sənətinin beynalxalq festivalda iştirak edib. Nigar İbrahimova ilə "Jizel" baletindən Pa-de-de, və "Şahrizadə" baletindən adajio ifa ediblər.
16 – 17 sentyabr 2014-cü ildə Fransanın Strasburq və Paris şəhərlərində Azərbaycan Dövlət Akademik Opera və Balet Teatrının balet truppasının sırasında "Qobustan kölgələri" baletində Prometey rolunda çıxış edib.
23 oktyabr 2014-cü ildə Qazaxıstanın Pavlodar şəhərində "Şaximardan dostları dəvət edir" adlı klassik sənətinin beynalxalq festivalda iştirak edib. Nigar İbrahimova ilə "Jizel" və "Yeddi gözəl" baletindən adajio ifa ediblər.
24 iyun 2015-ci ildə Belarusun Minsk şəhərində "Balet yayı Bolşoyda" adlı balet ulduzlarının beynalxalq festivalında iştirak edib. Nigar İbrahimova ilə "Yeddi gözəl" baletindən adajio ifa ediblər.
21 may 2016-cı ildə Bibisara Beyşenaliyeva adına IV beynalxalq festivalında iştirak edib. Qırğızıstanın Bişkek şəhərində Nigar İbrahimova ilə "Yeddi gözəl" baletindən adajio ifa ediblər.
- 18 apreldə doğulanlar
- 1978-ci ildə doğulanlar
- Yaşayan insanlar
- Bakıda doğulanlar
- Azərbaycan Respublikasının xalq artistləri
- Azərbaycan Respublikasının əməkdar artistləri
- Əlifba sırasına görə teatr xadimləri
- Azərbaycan xoreoqrafları
- Azərbaycan balet artistləri
- Azərbaycan Dövlət Akademik Opera və Balet Teatrı şəxsləri