Dəstək
Pulsuz Yükləmə və Məlumat Platforması

Orxan Faiq oğlu Nəzərli (5 dekabr 1984, Ağdam) — İqtisadiyyat Nazirliyi yanında Dövlət Vergi Xidmətinin rəisi, 2-ci dərəcəli dövlət vergi xidməti müşaviri.

Orxan Nəzərli

Vikipediya, azad ensiklopediya
Orxan Nəzərli
Azərbaycan Respublikasının İqtisadiyyat Nazirliyi yanında Dövlət Vergi Xidmətinin rəisi
Vəzifədədir
6 may 2021-ci ildən
Əvvəlkivəzifə təsis edilib
Şəxsi məlumatlar
Doğum tarixi 5 dekabr 1984(1984-12-05) (41 yaş)
Doğum yeri
Təhsili
  • Azərbaycan Dövlət İqtisad Universiteti
İxtisası iqtisadçı
Rütbəsi
2-ci dərəcəli dövlət vergi xidməti müşaviri

Orxan Faiq oğlu Nəzərli (5 dekabr 1984, Ağdam) — İqtisadiyyat Nazirliyi yanında Dövlət Vergi Xidmətinin rəisi, 2-ci dərəcəli dövlət vergi xidməti müşaviri.

Həyatı və fəaliyyəti

1984-cü il dekabrın 5-də Ağdam şəhərində anadan olub.

2005-ci ildə Azərbaycan Dövlət İqtisad Universitetinin Beynəlxalq iqtisadi münasibətlər fakültəsini bitirib.

Əmək fəaliyyətinə 2003-cü ildə özəl sektorda başlayıb, 2005–2015-ci illərdə Azərbaycanda yerləşən audit firmasında çalışıb.

2014-cü ildə ABŞ-nin Alyaska ştatında sertifikasiyadan keçib mühasibatlıq üzrə lisenziya alıb.

2015–2016-cı illərdə Azərbaycan Respublikası Təhsil nazirinin iqtisadi məsələlər üzrə müşaviri, 2016–2017-ci illərdə isə Azərbaycan Respublikası Təhsil Nazirliyinin Aparat rəhbərinin müavini vəzifələrində calışıb.

2018-ci ildə Azərbaycan Respublikası Vergilər nazirinin müşaviri vəzifəsinə təyin edilmişdir. 2019-cu ildən etibarən, həmçinin, Vergilər Nazirliyinin Milli Gəlirlər Baş İdarəsinin rəisi vəzifəsini icra edib.

Azərbaycan Respublikası Prezidentinin 13 may 2020-ci il tarixli Sərəncamı ilə İqtisadiyyat Nazirliyi yanında Dövlət Vergi Xidmətinin rəisinin müavini vəzifəsinə təyin edilib və Dövlət Vergi Xidmətinin rəisi təyin olunana qədər həmin vəzifənin icrası ona həvalə edilib.

Azərbaycan Respublikası Prezidenti İlham Əliyevin 6 may 2021-ci il tarixli Sərəncamı ilə İqtisadiyyat Nazirliyi yanında Dövlət Vergi Xidmətinin rəisi vəzifəsinə təyin olunub.

2024-2025-ci illər üzrə IOTA-nın prezidenti vəzifəsinə seçilib.

12 fevral 2026-cı ildə Azərbaycan Respublikası Prezidenti İlham Əliyevin Sərəncamı ilə “2-ci dərəcəli dövlət vergi xidməti müşaviri” ali xüsusi rütbəsi verilib.

Ailəlidir, 3 övladı var.

Üst