İltimas Məmmədov

1998-ci ildə sahə üzrə həyata keçirilən "TACIS" proqramı layihələrinin məsləhətçi eksperti olmuş, Böyük Britaniyada təşkil olunan 60 günlük təkmilləşdirmə proqramında iştirak etmişdir.

1999–2000-ci illərdə Beynəlxalq Trans Asiya–Avropa (TAE) optik kabel magistralının Azərbaycan seqmenti üzrə Tender Komissiyasının üzvü olmuş, həmçinin təxminən 1080 km uzunluğunda rabitə xəttinin tikintisinin Dövlət Qəbul Komissiyasına rəhbərlik etmişdir.

Beynəlxalq Telekommunikasiya İttifaqının tövsiyələrinə uyğun Azərbaycan Respublikasının telefon rabitəsinin nömrələnmə planının hazırlanmasına və MDB məkanında ilk dəfə ölkə üzrə müasir yeddirəqəmli nömrələmə sisteminə keçidə rəhbərlik etmişdir. MDB məkanında ilk dəfə mobil rabitə avadanlıqlarının qeydiyyat sisteminin və mobil nömrələrin daşınması sisteminin yaradılmasına birbaşa rəhbərlik etmişdir.

Bütün ölkə üzrə rəqəmli televiziya yayımına keçid üzrə İşçi Qrupa rəhbərlik etmiş, 2017-ci ildə analoq yayımın dayandırılması prosesinə rəhbərlik etmişdir.

İltimas Məmmədov 1998–2005-ci illərdə Rabitə Nazirliyinin Texniki Şurasının üzvü olmuşdur.

2005–2018-ci illərdə Tarif Şurasında Rabitə və Yüksək Texnologiyalar Nazirliyi təmsil etmişdir.

2005–2018-ci illərdə Rabitə Nazirliyinin, eləcə də həmin dövrdə onun bazasında yaradılmış yeni nazirliklərin Elmi-Texniki Şurasına rəhbərlik etmişdir.

2001–2018-ci illərdə Baş Nazirin sərəncamları ilə Rabitə Nazirliyinin və sonradan yaradılmış aidiyyəti nazirliklərin Kollegiyasının üzvü olmuşdur.

1998–2000-ci illərdə Naxçıvan Muxtar Respublikasının rabitə şəbəkəsinin yenidən qurulması üzrə İşçi Qrupun üzvü olmuş, şəhər və rayonlarda aparılan tikinti və yenidənqurma işlərinin əlaqələndirilməsində iştirak etmişdir.

DEU Telekom şirkətinin 2000-ci ildə müflis olmasından sonra müqavilə öhdəlikləri, maliyyə borcları və texniki çatışmazlıqlar üzrə yaradılmış İşçi Qrupa rəhbərlik etmişdir.

Aparılmış danışıqlar nəticəsində ilkin olaraq 20 milyon ABŞ dollarına yaxın tələb olunan borc məbləği 4,5 milyon ABŞ dollarına qədər azaldılmış və layihə yekunlaşdırılmışdır.

İltimas Məmmədov 2013-cü ildə "Artel BM" şirkəti tərəfindən Haaqa məhkəməsində qaldırılmış 430,3 milyon ABŞ dolları məbləğində iddia ilə bağlı yaradılmış nümayəndə heyətinə rəhbərlik etmişdir.

2014-cü ildə Ankarada və İstanbulda aparılmış danışıqlar nəticəsində iddia məbləğinin 4 milyon 650 min ABŞ dolları səviyyəsində razılaşdıraraq "Artel BM" tərəfindən iddia ərizəsi geri götürülmüşdür.

2003–2012-ci illər üzrə Rabitə və İnformasiya Texnologiyalarının İnkişafına dair ilk Milli Strategiyanın hazırlanması üzrə Koordinasiya Şurasının üzvü olmuşdur.

2002–2020-ci illər ərzində strategiyalar, dövlət proqramları və nazirlik əsasnamələrinin hazırlanması üzrə İşçi Qruplara rəhbərlik etmişdir.

"Telekommunikasiya haqqında" Azərbaycan Respublikası Qanununun və digər normativ-hüquqi aktların hazırlanmasına rəhbərlik etmişdir.

Kosmik sənayenin yaradılması və inkişafı üzrə Dövlət Proqramının, ilk telekommunikasiya peykinin orbital mövqeyinin müəyyənləşdirilməsi və texniki tapşırıqların hazırlanması üzrə İşçi Qruplara rəhbərlik etmişdir.

2004–2018-ci illərdə milli təhlükəsizlik konsepsiyası, xarici siyasət strategiyası və hərbi doktrina üzrə konseptual sənədlərin hazırlanmasında iştirak etmişdir.

2012–2018-ci illərdə Azərbaycan Respublikası və Koreya Respublikası arasında iqtisadi əməkdaşlıq üzrə Birgə Komissiyanın həmsədri olmuşdur.

2000–2018-ci illərdə Azərbaycan Respublikası Prezidentinin Sərəncamları ilə yaradılmış Hökumətlərarası Komissiyaların üzvü və Nazirliyin nümayəndəsi kimi ABŞ, Kanada, Çin, Yaponiya, Fransa, Bolqarıstan, Serbiya, Çernoqoriya, İordaniya, Birləşmiş Ərəb Əmirliyi, Latviya, Litva, Hindistan, Pakistan, Səudiyyə Ərəbistanı, Kuba, İran, Türkiyə, Tacikistan, Özbəkistan, Qırğızıstan və Türkmənistanla keçirilən iclaslarda iştirak etmişdir.

Beynəlxalq Telekommunikasiya İttifaqı, Ümumdünya Poçt İttifaqı, MDB Rabitə Şurası və digər beynəlxalq qurumların ABŞ, İsveçrədə, Dohada, Dubayda, Çexiyada, Avstriyada, İtaliyada, İsveçdə, Danimarkada, Norveçdə, Tunisdə, Rusiyada, Moldovada, Ukraynada, Qazaxıstanda, Tacikistanda, Türkmənistanda, Qırğızıstanda, Gürcüstanda keçirilən iclaskarda iştirak etmişdir.

• Разработка методики определения длины регенерационных участков по симметричным кабелям сетей абонентского доступа // Телекоммуникации, № 6, Moskva, 2010.
• Разработка методики определения длины регенерационного участка xDSL-модемов сети абонентского доступа // Информационные технологии, № 2, Moskva, 2011.
• Naqilsiz rabitə texnologiyaları. Bakı: Təhsil, 2012.
• Development of methods for determining the length of regenerator sections in symmetrical cables of subscriber access networks // Telecommunications and Radio Engineering, 2013.
• Разработка оптоэлектронного переключателя направления излучения и методики определения его эксплуатационных характеристик // Автоматика и вычислительная техника, Riqa, 2015.
• Development of an Optoelectronic Switch for the Direction of Radiation and Procedures to Define Its Operational Characteristics // Automatic Control and Computer Sciences, 2015.
• Разработка дистанционного оптоэлектронного переключателя направления излучения в многомодовое оптическое волокно // Приборы и системы, 2016.
• Mathematic model of direction control system of optical radiation // IJAIEM, 2017.
• Волоконно-оптический ответвитель / переключатель мощности оптического излучения // REDS, 2021.
• Kritik informasiya infrastrukturlarında rabitə sistemlərin və xidməti protokolların təhlili // Hərbi bilik, 2023.
• Study of the reliability communication networks in critical information infrastructures // International Scientific and Technical Conference, 2023.
• Анализ процессов установления соединений в системах связи объектов критической информационной инфраструктуры // Minsk, 2023.
• Research Information Security and Reliability Critical Infrastructure Control Systems // Engineering Headway, Vol. 7, 2024.
• Effectiveness of information protection management in critical information infrastructures // International Scientific and Technical Conference, 2024.
• Исследование комплексных показателей телекоммуникационных систем в критически важных объектах // Minsk, 2024.
• Исследование качества функционирования телекоммуникационных систем в критических информационных инфраструктурах // Вестник компьютерных и информационных технологий, 2025.
• Comprehensive evaluation and performance analysis of a deep learning model with hyperparameter tuning for lumpy skin disease classification in dairy cows // RT&A, 2025.
• Исследование показатели систем связи в критических информационных инфраструктурах // Minsk, 2025.

• Şüa istiqamətinin optoelektron dəyişdiricisi.
• Üçkoordinatlı diferensial addım mühərriki — ixtira patenti, 2015.
• Optik-lifli şaxələndirici — iddia sənədi, 2021.